أنتا ياواد يامزة

بسم الله الرحمن الرحيم


النهارده مش عارف ايه اللى حصل كده
إمتحانات وحر وقرف الله لا يوريكم
بس شفت حلقة كده عن التحرش والمعاكسات من الولاد والبنات
المهم الفكرة كانت فى دماغى من زماان وكمان كنت عاملا ليها شوية احصائيات
هو أنتا ليه بتعاكس ؟ (على فكرة السوال ده للجنسين)...!
يعنى فى إحصائية مرشدية خاصة بيا
سالت بعض الفتيات انتوا بتحبوا تتعكسوا ؟
60 قالوا ايوه 30 قالوا عادى 10 قالوا لا طبعا
محبتش طبعا أسترسل فى الكلام معاهم واتعمق
زمااان كان ممكن تسال الولد وتقوله أنتا بتعاكس ؟
ممكن يرد على استحياء ويقولك ايوه دلوقتى ممكن تساله يقولك طبعا وبعين قوية كمان
لكن الغريبة فعلا لما سالت بنت وقولتلها انتى بتحبى تتعكسى قالتى (لا) أنا بحب اعكاس قولتلها مش فاهم
قالت انا بحب اعاكس الشباب
قولتلها بتقولى ايه يعنى قالت عادى يعنى
(أنتا ياواد يامزة) ( انتا ياود يامعسل ) يخرابى على عنيه......... وهكذا كلام
مش عارف مقتنعتش بكلامها وحسيت ان فيه مبالغه فقولت اسال بنت تانية
كلمتنى بصراحة شوية
قالت أنتا فاكر ان البنات لما ولد بيبصلها وتبص للارض ده من الخجل ! فقولت امال ايه
قالت ده بتكون جابته من تحت لفوق
نهيك طبعا عن الكلام اللى البنات بيوشوشوا بعض بيه لما واد يعجبهم
على كرة انا شوفت الموضوع ده كتير بنات هما اللى بيعكسوه الاولاد وساعات بكلام مستفز ومثير بالنسبة للشباب
هو احنا مجتمعنا ممكن يكون وصل للدرجة دى فعلا ....؟
طيب احنا الاول كنا بنقول انه نتيجة الكابت بالنسبة للشباب معقولة ان الكابت ده ممكن يكون وصل للبنات
بمعنى اخر حالات التحرش الجنسى اللى حصلت فى وسط البلد كان نتيجتها حالة من الكبت عند الشباب
إحدى الفتيات اخبرتنى بأنه تعرضت للتحرش هى ووالدتها فى احد الشوراع من جانب بعض الشباب
حيث حاول بعض الشباب التمادى فى التحرش حتى صرخة الام والفتاة وخوف الشباب وهروبهم
مستنى أسمع منكم ردودكم وتعليقتكم
بعد مادة دراسة الجدوى إن شاء الله