غرق احمد + 10 جنيه +عيد ميلاد استاذ محسن

[mena288]

فى البدايه ... انا عارف ان فيه الالغاز حاططها لسه ما اتحلتش ..بس انا فى الحقيقه فى الفتره ده عندى افكار كتير ..... دول ثلاثه الغاز سهله بأذن الله ...


اللغز الاول / غرق احمد

فى احد الايام اتفقت انا و master666666 و abdelRhman772007 فى الذهاب للبحر لمده يوم واحد .... واول ما وصلنا البحر .. عبد الرحمن رجل عاقل ومثقف اول ما وصلنا حط sun cream ومسك كتاب وقعد يقرا فيه ....اما احمد فبيجيلوا لحسه عقليه .. بمجرد مشاهده البحر ... مجرد ما شاف البحر راح هبقا... نازل البحر ( انا بقا كنت قاعد بفطر بيض وجبنه واتفرج على الناس) ... بعد مده سمعنا صوت احمد بيقول الحقونى الحقونى ... بصيت لقيت احمد بيغرق ... رحت جريت اشوف اى حد من المنقذين الى بيبقوا موجودين على الشاطىء ..بس مكنش حد موجود ... راح عبده جرى علشان ينقذ احمد
عبده كان على بعد 50 متر عن البحر وبرده احمد كان على بعد 50 متر عن الشاطىء ... والمسافه الرأسيه الى بينهم 100 متر ... كما بالصوره ....عبده بيجرى على الرمله بسرعه 9متر/ ثانيه وبيعوم بسرعه 2.5 متر/ثانيه




السؤال/ ما اقل زمن ممكن يستطيع عبده الوصول الى احمد


=================================================


اللغز التانى / 10 جنيه


كلنا عارفين ان الجنيه يتكون من 100 قرش.... انت بقا كان معاك 10جنيه وعايز تفكها لاي حاجة
رحت لواحد كان معاه الفئات دي بس ( 5 قروش-10قروش-ربع جنيه - نصف جنيه - جنيه - 5جنيه )....... يعني وقلتله فكلي ال 10 دي يا عم......
السؤال / بكم طريق يمكن ان يعيد لك الرجل ال 10جنيه بعد ان يفكها
==============================================


اللغز الثالث/عيد ميلاد استاذ محسن

كلنا عارفين اد ايه استاذ محسن رجل طيب يحمل من العلم والاخلاق ما زاد وطاب ... استاذ محسن بقا عزمنا كلنا على حفله عيد ميلاده ..... بس استاذ محسن كان عنده مشكله ... بما ان احبابه كتير فكان لازم يوفر لكل واحد طبق خاص به .( علشان التورته والذى منه).. ويحطهم على الطربيزه ... استاذنا محسن عنده طربيزه دائريه قطرها 4.5متر.. والاطباق الى عند استاذ محسن قطرها 30 سم ... واستاذ محسن عايز يحط اكبر عدد من الاطباق على الطربيزه ده

السؤال/ كم اكبر عدد من الاطباق يستطيع استاذ محسن وضعها على الطربيزه ( بشرط ان لا يوضع حافه طبق فوق الاخرى او يخرج احد الاطباق خارج الطربيزه)