رايحة لفين يا مصر ...نفسي أجبلك أريال

[روووووز]

فعلا رايحة لفين يا مصر محدش يستغرب من العنوان مصر فعلا كلمتني حتى شوفوا كلامى غلط ولا صح مثلا
ناخد كام غسلة يؤيؤيؤ اقصد تعالوا نتكلم عن كام موضوع وكمان لازم نواجة مشاكلنا عشان نقدر نعالجها

و نسال اللي فاضل منها
أنا/ رايحة لفين يا مصر
المرحومة مصر/ رايحة مطرح ما حكومتنى تودينى

انا/ نفسي تفوقي وتنضفى يا مصر
ما تبقى من مصر/ وأنت مالك يا رخمة

أنا / فين مشروع توشكي دلوقتى سمعت أنة ولا مؤاخذة اكبر نصبة في تاريخك يا مصر
مصر / توشكي من بقك دا أنتى رزيله يابت دا موضوع تسالي علية

انا / طيب بلاش وبعدين في زيادة الأسعار والدنيا اللي ولعت يا مصر
ما تبقى من مصر / أسعار أية يابت دا حتى طبق الكشري ب نص جنية

انا/ الفساد والمحسوبية زادوا كتير قوى يا حجة
مصر/ انتوا كدة دايما تبصوا لنص الكوب الفاضى يا معقدة

انا/ طيب وخالد سعيد شهيد الإسكندرية عمل أية في حياتة علشان يموت بالطريقة دي يا مصر
مصر/ الله يرحمة عمرة خلص على كدة هو أحنا كمان هنكفر بالله

أنا / والاعتصامات والاضرابات اللي محدش شافها في تاريخك يا مصر
مصر/ دول قلة وحكومتي مسيطرة على الوضع ودن من طين والثانية من عجين

أنا/ والضرائب اللي قسمت وسط الشعب دا أحنا بقينا بلد جبايبة يا مصر ومتقوليش مصلحتك أولا (بتنرفزنى قوى الجملة دى)
مصر/ جبايبة أية يا بت أنتى دي ضريبة علشان تعرف تعيش أنتى واللي زيك ومصلحتك أولا ....هع هع هع (مصممة انرفزك)

انا / واسمنتك وحديدك يا مصر اللى اتشفطوا وبقت أزمة سكن فيكى يا مصر
مصر/ اسمتنى زى الفل وبلاش سيرة الحديد لاخلى الحديد فى ايديكي انت مش وش عز يا فقرية

انا / فقدنا ريادتك يا مصر فى منطقتك وكل يوم بنرجع لورا مليون خطوة وخطوة
مصر/ يا بت انا منطقتى محدش يقدر يفقدنى حاجة انا مسيطرة انا زى الفل بس طيرى انتى من نفوخى

انا / هتقولى اية فى جامعاتك يا مصر اللى طلعت من الترتيب العالمى
مصر / تعليم اية روحي اتعلمي صنعة تنفعك يا رخمه ال جامعات ال

انا / ممكن تدينى امارة واحدة على كل الثقة دى يا مصر
مصر / انا ممكن اديكي على دماغك اسالي حكومتى قشطة وزى الفل

انا / طيب ما دام الحال عاجبك كدة قوى يا مصر انا كنت رايح اجبلك اريال لية
مصر/ اعملي فيا خدمة وهاتيلي اصل سمعت إن سعرة هيولع قولت اخزن منة وبعدين أبيعة في السوق السودا

أنا /أنا انا انا اتخنقت ليكى يا مصر
مصر / روحي يابت أرمى بلاكي على حد غيري

"الفساد في مصر تشير عدة تقارير محلية ودولية وحكومية على انتشار الفساد في عدة هيئات ومصالح حكومية في مصر، 26 سبتمبر 2009 مصر تتراجع إلي المركز 115 فسادا علي مستوي 180 دولة في العالم حسب تقرير منظمة الشفافية الدولية والأخيرة عربيا، وتراجع ترتيب مصر عالميا علي مؤشر الفساد حيث كانت تحتل المرتبة 115 عام 2008 والمرتبة 105 2007 والمرتبة 70 عامي 2006 و2005 و77 عام 2004 "
ولسة بتقولي بردوا عادى طيب اخبط دي يا مرجانه
أنه منذ تولى وزير المالية الحالي –د. يوسف بطرس غالي- وزارة المالية عام 2004 زادت حصيلة الضرائب بنسبة حوالي 250% تحمل المواطن العادي منها حوالي 60% نتيجة ضرائب المبيعات والجمارك ومرتبات الموظفين وهي النسبة التي أدت إلى مضاعفة عدد الفقراء في مصر.»
طيب لسة فيكي نفس أنا هخيلكي تلعلعي
29 مارس 2010: اختفاء تريلون و272 مليار جنيه من ميزانية الدولة ومحاولة حكومية لإخفاءها وعدم إعطاء معلومات عنها وذلك كما أشار تقرير الجهاز المركزي للمحاسبات عن وجود صناديق خاصة تحوي هذه المبالغ الضخمة دون معرفة أين تذهب؟، وهو مبلغ يساوي 14 مرةً ضعف العجز الموجود، والذي تعاني منه الموازنة، ولو وزع على كل مواطن مصري من 80 مليون لأصبح نصيب الفرد 16 ألف جنيه
المصدر من ويكيبيديا

اتمنى ان يعجبكم الموضوع المنقول