هام :ارجو الدخول من المدرسين الافاضل وطلاب رياضه2 علشان نستفيد كلنا

[issac-newton]

المشاركة الأصلية كتبت بواسطة الاميره ايه

السلام عليكم ورحمه الله وبركاته

ممكن تساعدوني في شرح هذه الجزئيه (تفاضل)
اريد شرح بسيط + تطبيق بمثال محلول
السؤال هو :
اعد تعريف الداله بحيث تكون متصله
ما هي خطوات الحل ؟؟؟

وشكرا

بـسـيـط جـد أأ الـأمر ..

نجيب القاعدة من الأول ..

في التفاضل عندنا اتصال الدالة عند نقطة , واتصال الدالة في فترة ..

إتصال الدالة عند نقطة ..

بتكون الدالة متصلة عند نقطة لما تتحقق الشروط الأتية
النهاية اليمني موجودة وبتساوي النهاية اليسرى
قيمة الدالة عند النقطة المذكورة = قيمة النهاية ؟.
كدا نقول الدالة متصلة عند النقطة دي

أعد تعريف هيا عبارة عن عكس للكلام دا .. إزاي

مسئلة

اعد تعريف الدالة الأتية بحيث تكون متصلة عند س = 3/2

2س تريبع - س -3
_____________________
4 س تربيع - 9

ترتيب الأفكار ..
لو عايز الدالة دي تكون متصلة لازم يكون عندي قيمة النهاية اليمنى = قيمة النهاية اليسرى = قيمة دالة النقطة
( ممكن تكون نهاية واحدة .. عادي ) .

اول حاجة انا حجيب نهاية الدالة عند النقطة المذكورة

والحل ببساطة حيطلع 5/12

طيب دي قيمة الدالة
وانا عندي الإتصال بعيد للمرة التالتة لازم النهاية اليمنى = النهاية اليسرى = قيمة الدالة عند نقطة
( ممكن تكون نهاية واحدة .. )

فا ببسطاة حزود للقاعدة الي عندي شرط بسيط
هو انو
لما س تكون بـ 3/2
قيمة الدالة بتكون 5/12

وبعدين اعرف الدالة على النحو التالي
د(س) =
2س تربيع - س -3
______________________
4س تربيع - 9

دا لما السين لا تساوي 3/2

و
5/12 لما س = 3/2

خلينا نرجع لحتة هوا انا ليه قولت السين لا تساوي 3/2 في الحالة الأولى
الإجابة بسيطة هيا انو النهاية زي ما انتي اكيد عارفة
و بالتحديد الرمز دا
-------------> 3/2
يعني تأول لـ 3/2 اي تقترب من 3/2 ولا تساوي 3/2
ففي الحالة دي مش حقول انها تساوي تلاته على اتنين
..

ملخص القول
لازم تكون النهاية اليمنى = النهاية اليسرى = قيمة الدالة
غالبا انا بجيب النهاية اليسرى والنهاية اليمنى والقيمة الي بتطلع بقول انو لما السين = النقطة المطلوب اعادة التعريف الإتصال فيها الدالة = قيمة النهاية

في حالة النهاية اليمنى لا تساوي النهاية اليسرى اذن لا يمكن تعريف الدالة ..

انا جاهز لتفسير المزيد ..