لمن لا يعمل فى تخصصه الاصلى

[جارةالوادى]

طيب مانا لغة عربية وجيد جدا وجامعة الازهر و2 دبلوم دراسات عليا وابتدائى والحمد لله تخصصى مستواه ثانوى ومعظم الناس اللى اعرفهم بيه ثانوى ومن غير دراسات عليا بس لو مكنتش اشتغلت ابتدائى وقتها مكنتش هشتغل اقعد بقى استنى الاعدادى لما كان يجى لى بعدها بسنة ولااتنين صحيح الشغل فى الاعدادى اريح وتخصص مش فصول يعنى وغير كدة زى ماكلكم خايفين تقولوها نظرة المجتمع لمدرس الابتدائى نظرة دونية جدا برغم ان نظرتهم لرياض الاطفال مش كدة بس ياجماعة تعاملو بقى لان العجز الحقيقى فى التعليم فى المرحلة الابتدائية اما عجز الاعدادى والثانوى فبيقدرو يغطوه بالانتدابات وغيرها وكل حد مش بياخد غير نصيبه وانت اللى تقدر تخلى الناس تغير وجهة نظرها فى معلم الابتدائى باهتمامك بمظهرك بطريقتك فى الكلام بشغلك واجتهادك بثقافتك فى اليابان ياجماعة اللى بيدرس للابتدائى معاه دكتوراة والمساعد بتاعه مؤهل جامعى وبيعمل دراسات عليا عشان يوصل لمكان المدرس الاصلى والطفل اجمل حاجة فى الدنيا وتقدر تاثر فيه بسلوكيات وحاجات تتتغرس معاه طول عمره ومينساكش بيها من فضلكم بصو للجوانب الايجابية شوية وبلاش الانتخة دى
اما بقى الناس اللى فعلا عقودهم غير تخصصاتهم فهما دول بجد محتاجين
يقفو بجد وينظمو نفسهم ويوفقو اوضاعهم زى الناس اللى قابلو نفس المشكلة فى امتحانات الكادر انما مينفعش كلنا نبقى ساخطين على تدريس الابتدائى احمدو ربنا غيرنا مش لاقى شغل ودفعات قبلنا وبعدنا هتموت وتتعاقد ان شاالله عمال