هل ممكن تحب شخص من غير ما تشوفة؟

[dr.mansorawy]

بسم الله الرحمن الرحيم

فى البداية عايز اشكرك على اختيارك للمواضيع المهمة والمفيدة واللى بتحتاج فعلا للحوار



ثانيا بالنسبة لموضوع انك تحب شخص من غير ما تشوفة هو دا شئ طبيعى

وعايزين نتفق الاول ان العلاقات البشرية بتتبنى على حاجتين توافق فكرى و توافق روحى و الاتنين بيظهروا لما تقابل حد عالحقيقة فأنت بتكلمة ودا توافق فكرى وفى نفس الوقت انت شايفة ودا التوافق الروحى


وبالنسبة انك تحب شخص من غير ما تشوفة دا توافق فكرى وبالتالى قدامك طريق من الاتنين انك لما تشوفة اما انك مش هتستريحلة بسهولة او انك تستريحلة بمجرد ما تشوفة وبكدة تكتمل الحب فعلا سواء صديق او غيرة

وانا عن نفسى كتجربة شخصية حصلت معايا كتير واتقابلت بناس عن طريق النت وفى فعلا ناس استريحتلهم جدا وهما كمان استريحولى وفى ناس اتقابلنا وهما مرة او مرتين وبعد كدة الموضوع لوحدة اتقفل


والاغرب انى هقولك على تجربة واحدة اعرفها ان اعز اصدقاءها عرفتها عن طريق النت لدرجة انهم فضلوا فترة كبيرة من غير ما يشوفوا بعض و فعلا بقوا بيتكلموا كل يوم مع بعض كأنهم اكتر من اخوات لكن المتوقع ساعة لما قابلوا بعض صدمة الالتقاء الروحى كل واحد منهم بقى مستغرب هل هى دى اللى كنت بكلمها ( فى جواة طبعا) لكن بعد ما قعدوا اتكلموا مع بعض بسرعة الفاصل دا انتهى و هى دلوقتى بتوصفلى ان دى من اعز اصدقاءها دلوقتى ربنا يهنيهم ويدوم صداقتهم


اللى قصدتة من كلامى هى صدمة اللقاء بينهم ودا امر طبيعى جدا لكن اللى بيحدد العلاقة على الحاجز الروحى ودا امر لابد منة ولكن هل هينتهى بمجرد كلامهم مع بعض ولا لأ


يااااااااة انا كتبت كلام كتير اوى

شكرا على فكرة التوبيك الحلوة