لماذا يفضل عالمنا العربى الاولاد عن البنات؟

[Mr. Ali 1]

المشاركة الأصلية كتبت بواسطة ميراج

وانا مقولتش حاجه

ومع حضرتك فى ده
بصراحه اول مره اشوف رد لحضرتك
يعنى من غير نرفزه كده
مقصدش حاجه والله
انا بس بقول رأيى

هو ده النقاش .
شفتي بقي لما تقري المشاركة كلها , الرد أو التعليق عليها بيفرق .
وعلي فكرة انتي بس بيتهأيلك اني متنرفز في ردي .. لا والله
إلا في حالة واحدة ممكن يكون ردي فيه بعض الحدة وده لما ألاقي حد بيردد أمر يخالف الشرع ويفضل متمسك بيه حتي بعد بيانه وتوضيحه . لكن انتي مثلاً علقتي وقلتي انك لا تقصدي أن تتخطي قول المولي عز وجل في تفضيله للرجل
علي المرأة بصفة عامة , وده شيء كويس انك توضحيه .
أنا بس بلاحظ ان البنات لما تيجي تضرب مثل بين الرجل والمرأة , دايماً الرجل مبيبقاش رجل , لكن المرأة بتكون جدعة !! هو ده اللي محيرني ومندهش لكثرة ترديده !!
فدايماً أعلق وأقول المثل يكون بين رجل بمعني الكلمة وامرأة بمعني الكلمة , علي الأقل يكون الاثنين متساويين في الصفة , يعني مثلاً لو قلتلك اقدامك لحمة فاسدة وجبنة كويسة وانتي جعانة , ممكن تاكلي اللحمة الفاسدة وانتي عارفة انها فاسدة؟!! أكيد حتقولي حاكل جبنة .
حكمة المولي عز وجل في تفضيله للرجل علي سائر المخلوقات الموجودة في الأرض , فكل اللي أنا بقوله أو أطلبه اننا بلاش نزيد الفجوة اللي بقت موجودة وبشدة بين
الرجل والمرأة .
قولي فيه رجاله ما يساووش في سوق الرجالة قرش صاغ
أقولك كلامك صح .
لكن رجل سيء ومش رجل خالص خالص بإمرأة كويسة
مينفعش . ولا انتي ايه رأيك؟