كرهنا العرب وبعدين ؟...!!

[Mr. Ali 1]

كلامك جميل يا تسابيح وعقلاني جداً .
تماماً كما كان تصرف الأمن المصري وقت المباراة
فلو تدخل الأمن لقامت مجزرة لكل أو لمعظم الجماهير
التونسية , فهل شكل مصر وصورتها حيبقي كويس في
عيون العالم ؟!!
ساعتها كانوا حيقولوا عنا شعب همج وبربر وارهابيين
دا خبر كاذب عن وجود قتلي جزائريين , أشعل فتيل الفتنة
بين الشعبين , امال لما يبقي فيه قتلي بالفعل ؟!!
هل 50 مشجع تونسي مثلاً , بلاش نقول 10 أو 11
وال 50 دول مخمورين أو مجرمين أو بلطجية أو أي صفة
سيئة تنطبق عليهم , يبقي نقول كل التوانسة زيهم ؟!!
ونطالب بضربهم أو مقاطعتهم ؟!!
يعني لما بعض من جماهير الاسماعيلي قامت بتكسير كراسي
استاد القاهرة , يبقي الحل ضرب ومقاطعة كل أهل الاسماعيلية ؟!!
لما بعض من جماهير الاهلي قامت بحرق اتوبيس لجماهير الزمالك
والجماهير بداخل الاتوبيس , يبقي نضرب ونقاطع ونعادي كل جماهير الاهلي ؟!!
لما 3000 مشجع زملكاوي كسروا وحرقوا بعض منشأت النادي الاهلي , يبقي
نضرب ونقاطع ونعادي كل جماهير الزمالك ؟!!
لما الأمن المصري بيتعامل مع بعض مثيري الشغب في الملاعب المصرية
بعنف , بنزعل منهم ونتهمهم بالجبروت والظلم !!
كرامة المصريين شيء يجب أن يوضع في الحسبان سواء من جانب الحكومة
أو من جانب الشعب , ولكن بصورة عقلانية ليس فيها تهور أو تعدي وليس فيها
أيضاً تخاذل أو تهاون .
من يخطئ , يعاقب علي قدر الخطأ .
لا افراط ولا تفريط !!!!