أشعر بالحزن لأنني مصرية

[basmet el rabi3]

المشاركة الأصلية كتبت بواسطة مصرية وبحب بلدي

انا بحب مصر بحلوها وبمرها
هاتقولولى فين حلوها
هاقلكو كفاية عليا انها امى
كفاية انى مصرية
كفاية بس ان بلدى مصر مصر اه يا مصر
لو لم اكن مصرية لودت ان اكون مصرية
بس بجد ومن قلبى مش مجرد شعار زى ما الكل فاهم
وربنا هو اللى يعلم

انا رأيى من رأيك .. انا مش متخيلة نفسى عايشة فى أى بلد تانية غير مصر , مهما شفت فيها ما اقدرش اسيبها ابدا , أسيبها لمين ؟ أنا و انتم أحق و أولى بيها , يا ريت احنا نبتدى نصلح نفسنا نحاول نبقى كويسين مع اهلنا و جيراننا و زمايلنا , نراعى بعض و نخاف على بعض و نحترم خصوصيات بعض , ما حدش يتعدى على حاجة مش بتاعته . لو كلنا عملنا كده العيشة حتبقى أهون بكتير . اللى مخلّى الموضوع صعب هو إن ماحدش حاسس بحد , كل واحد عاوز مصلحته و بس و بقية الناس مش مهمين عنده .
الكلام كتير .. لكن الخلاصة هى نحاول نحس بغيرنا , نحترم غيرنا نحافظ على حاجات غيرنا ... نحاول نتخلى عن الأنانية فى كل تصرفاتنا , و نحاول نلتزم بالنظام . اسوأ صفة مشهور بيها المصريين قدام العالم إنهم ضد النظام و ده واضح جدا فى الشارع و العمل و فى كل مكان . ابدا بنفسك و حاول تنصح التاس القريبين منك بلطف ( اخواتك و اصحابك ) . حتقولوا لى دى حاجة صعبة و مشوار طويل و احنا مش حنصلح الكون , حأقول لكم : رحلة الألف ميل بتبدأ بخطوة , نبتدى نصلح من نفسنا و ربنا معانا , المهم نبدأ .