شخص طالب النجدة فهل من مساعدة ؟؟؟ ضرورري

[لوفلى طالبه]

المشاركة الأصلية كتبت بواسطة ya rab ang7

بسم الله ارحمن الرحيم


هدخل في الموضوع علي طول 3 مسائل مش عارف احلهم

اول مسالة
معلش انا حاسه انى هاحلها متاخر بس انا قولت اشارك برده ولو لسه مش حلتهم تشوفهم معايا وفيه اكتر من حل
قارب نجاه كتلته 10 kg ينغمر منه 4 في المئةمن حجمه في الماء احسب اقصي عدد من الرجال يستطيع القارب ان يحملهم دون ان يغرق بفرض ان كتلت الرجل الواحد 60 kg و كثافة المياه1000
بسم الله
دلوقتى عندنا ان القارب ينغمر منه 4% يعنى ممكن نعمل القانون بتاع الحجم المغمور على الحجم الكلى = كثافة الجسم على كثافة السائل
ومنه هتلاقى ان كثافة الجسم جت وبسهوله
وعندك كتلته ممكن تجيب حجمه من ( الكثافه = الكتله على الحجم )
ثانيا عدد الرجال : سيبك منه
احنا نقول ان عدد الرجال دول كتله عاديه جدا
دلوقتى احنا عايزين اقصى كتله نحطها على القارب بحيث انه يفضل طافى و لو حطينا عليه 1 جرام بعدها يغرق
يبقى احنا عايزين نحسب الكتله والقارب مغمور كله (هنتعامل مع المساله انه مغمر كله ) يعنى الحجم كامل
والقارب هيفضل ساكن يعنى واقع تحت تاثير قوى متزنه
وهى ( وزن الكتله اللى هم الرجال m.g +ووزن القارب نفسه fg ) = قوة دفع الميه على القارب بس fb
بس عوض كله موجود وجيب الكتله m اقسمها على كتله الراجل هيطلع عددهم تقريبا والله اعلم 3.8 نحسبهم 3 بس
علشان يبقى القارب ماشى محترم كده مش خلاص هيغرق
يارب تكون وصلت وماكنش لغبطتك


ثاني مسالة

قطعة من الالومينوم يشك انها تحتوي علي ثقوب من فقاعات غازية علقت قطعة الامينوم في قب ميزان حساس فكانت
كتلتها في الهواء 540g و كتلتهاو هي مغمورة في الماء 320g فاذا علمت ان كثافة الامينوم 2700 فاوج حجم الثقوب حيث ان كثافة الماء 1000
بص
هى المسائل اللى من النوع ده ليها فكره خاصه بيها
هتجيب الحجم الكلى للقطعه(يعنى حجم المعدن وحجم الهوا ده لو فيها هوا يعنى ) وده داااااااااايما بيطلع من fb
وبعدين تجيب حجم المعدن بس وده داااااااااااااااااااايما بييجى من fg الحقيقى طبعا (وهنا ممكن تجيبه بسهوله لان الكتله موجوده )
تمام ؟
تقارن الحجمين ببعض لو لاقيتهم زى بعض يبقى مفيش ثقوب (يعنى هواء)
لو لاقيتهم مش زى بعض يبقى فيه هواء (ثقوب)
تجيب حجمها من فرق الحجمين

تمام؟؟؟؟؟
ان شاء الله هتطلع معاك تمام

ثالث مسالة

كرةموجوفة حجمها الخارجي 0.004m^3 و حجمها الداخلي 0.003m^3 ملئت بسائل كثافته النسبيه 0.8 فاذا كان الوزن الظاهري لهذه الكرة في الما 10 نيوتن احسب كثافة مادة الكرة معتبرا ان عجلة الجاذبية تساوي 10

المساله دى حل همس فيها هو نفس حلى اللى هاقوله
فملوش لزوم بقى
حلها تمام خالص


شكراااااااا

الشكر لله
دمت بكل خير