شكرا لمرورك يا سمر ... الواحد منا محتاج يفتكر اى حاجة ايجابية و جميلة موجودة فى حياته أو حصلت له فى وسط احداث يومه - حتى لو كانت بسيطة - و يحس بسعادة عشانها , ده بيعطى له دفعة إنه يتحمل الصعوبات الـ بتقابله و بقية الأحداث السيئة الـ بتحصل له .
لكن للأسف فى ناس ما بتفتكرش الحاجات الحلوة البسيطة الـ فى حياتها و ما تحمدش ربنا عليها و بتركز بس على المشاكل و الهموم و الحاجات الـ ناقصاها . يعنى لو واحد صحته بسم الله ما شاء الله كويسة لكن ظروفه المادية متوسطة او اقل من المتوسط ... المفروض إنه يحمد ربنا على الصحة و يدعيه إنه يرزقه المال , لأن فى ناس غيره عندها المال و محرومة من الصحة .
و لو واحد عنده مال لكن ما عندوش أولاد ... يحمد ربنا على المال و يدعيه إنه يرزقه الأولاد و البنات , لأن فى ناس تانية محرومة من نعمة الإنجاب .
متهيأ لى الناس دول لو دوروا على الحاجات الجميلة فى حياتهم و النعم الـ ربنا إداها لهم و حمدوه عليها ... روحهم المعنوية ترتفع و كمان ربنا يزيدهم من نعمه و فضله
" لئن شكرتم لأزيدنكم "
|
22-11-2010, 08:25 AM
العرض الشجري
