قالوا عن الإخوان .. ( موضوع وثائقى )

[الاستاذ / ياسر الشرقاوى]

طب فى رأيك مين السبب فى مشاكل البلد فى الفترة الحالية من تخلف فى معظم مجالات الحياة
وانتشار الرشاوى فى كل شبر تقريبا من مؤسسات الدولة .حتى الوظائف اصبح لها مبلغ معلوم حسب المكان والراتب
انا معاك ان الاخوان مش احسن الناس وكمان فى ناس كثير ممكن تتبعهم سخطا وتنكيلا فى الحزب الوطنى الى هو فى نظر الكثيرين السبب الرئيسى فى تخلف البلد فى كل مجالات الحياة .
ولكن انا بلاحظ ان معظم الاعضاء او بعض منهم بيسيب السبب الرئيسى فى المشكلة ويمسك فى السبب الافتراضى يعنى الى ممكن يكون مشكلة فى المستقبل .
بمعنى ان الحكومة بتصور لنا ان لو الاخوان هم الى مسكوا الدولة راح يعم الخراب والحرب والدمار وكل شىء وحش
والناس فى حقيقة الامر مش بتطالب اطلاقا ان الاخوان يمسكوا الحكم الناس وانا منهم عاوزين حد شريف محترم يراعى الله فى كل مواطن ويدى كل شخص حقة ونشعر بان لنا اهمية وذات تحترم واعتقد ان فى ناس كثير يمكن يقوموا بالدور دا من غير الاخوان نهائيا لكن الدولة لا تحب ظهور اى شخص له كاريزما القيادة او حتى لا تسمح بان يحبة الناس ويلتفون من حولة وذلك لان المستفيد من ذلك اهل السلطة فقط.
فى الختام شكرا لك تقبل خالص تحياتى
رجاء كما قمت بعمل موضوع خاص عن الاخوان
نحن فى انتظار موضوع اخر عن رأى المفكرين وعلماء والمواطنيين فى الحزب الحاكم