إنتخابات - بيلا - محافظة كفرالشيخ

[هانى عبد العزيز سلامه]

اولا بشكر الاخت اللى بترد على الاستاذ محمد حسن وبشكر الاستاذ محمد


انا مهندس زراعى وكنت فى مقر اللجنة رقم 198 ومقرها مدرسة بيلا الثانوية الزراعية


ومهما قلت لن اقدر على وصف الاهانة التى تعرضنا لها


اولا تم الهجوم على اللجنة التى تسبقنا رقم 197 من انصار المرشحين وكان على وشك ضرب

اعضاء اللجنة بالكامل عشان كانو عايزين يدخلو يقفلو اللجنة لحساب احد المرشحين


وعند الامتناع دخلو اللجنة وقامو بالسب والالفاظ الخارجة لولا تدخل الشرطة

وعندما تفرغناوذهبنا اللى استاد بيلا للفرز

وفى تمام الساعة العاشرة فؤجئنا باشتعال النيران من الجانب الايمن من الخيمة

الاخت اللى بتقول ان كان ممكن الشرطة تحافظ على الصناديق

ازاى والخيمة كان فيها اكتر من 2000 شخص والنيران محيطة بالجميع من كل جانب

الجميع حاول انقاذ نفسه من النار

بقينا نجرى بطريقة عشوائية خارج الخيمة مين ساعتها هيدور على صناديق

والمطافى سيطرت على النيران لكن طبعا كل الصناديق والاوراق راحت مع النار والميه

والقت الشرطة القبض على اكثر من 30 شخص وحوصرنا داخل الاستاد حتى الساعة 1 صباحا والاشتباكات خارج الاستاد

بين الشرطة وانصار المرشحين والقنابل المسلة للدموع

وبعد الساعة 1 صباحا سمحت لنا الشرطة بمغادرة المكان


دى بعض الحاجات اللى حصلت بدون تفاصيل

ارجو تقبل كلامى لان كنت بداخل الخيمة نفسها

وشكرا للجميع