«البرادعى»: الانتخابات البرلمانية «مهزلة».. وسنتعاون مع «الإخوان» من أجل التغيير

[mrweb]

كون ان كان في احزاب سياسية فاشلة دي حاجة
وان الاحزاب تقعد مانتخه وتنسحب مالسياسه وتعين البيه متحدث رسمي ليها كلها مرة واحده دي حاجة

الخنق الاحزاب هو قانون الطواريء و الحصار الامني و الاعلامي لها انا وضخت لك فوق الموضوع ده , و الحزب اليتمرد ويحاول يثبت فيها وجوده بيتم تفجيره من الداخل زي حزب العمل وحزب الغد واحزاب تانية. من قتل السياسة هو من قام بالتزوير الوضيع في مهزلة الانتخابات الاخيرة. ثم ان حزب الوفد مثلا دخل الانتخابات بدون ضمانات و طلع السيد بدوي بتصريح لطيف ظريف ان "وعد" السيد الرئيس بنزاهة الانتخابات هو اكبر ضمان, يعني ماحدش ضرب الحزب على ايديه و قاله ادخل الانتخابات و لما اكتشف حزب الوعد حقيقة الوعد "زي ما احنا بنعاني من الوعود دي العمر كله" خرج من الانتخابات بارادته ايضا.

ثم مين قالك ان الاحزاب او الاخوان بتنسحب من السياسة؟؟ الانتخابات الاخيرة دي ماكنتش سياسة دي كانت مسخرة شوية بلطجية بتزور بالعافية مانعيين الناس من الدخول للتصويت و حصل فيها 13 جريمة قتل, هي دي سياسة بردو؟؟

البيعمله البرادعي انه رافض يشتغل في السياسة بشروط الوطني المزور, وده صح ده اليعمل تغيير حقيقي غير كده يبقى كلام فاضي.

عارف انك هتقول لي ان الراجل ده عالم

لا الراجل مش عالم ده رجل سياسة و استاذ في القانون الدولي وشغل مناصب عديدة في الخارجية المصرية قبل ما يرأس الوكالة الدولية للطاقة الذرية

السنة اللي فاتت لما وكالة الطاقة طلعت تقرير عن وجود نووي في مصر البيه فضل مخروس ولا فتح بقه
اسرائيل عماله تبني مفاعلات براحتها وعامل نفسه عبيط

السنة الفاتت هو كان خارج المنصب, زائد انه مصر ما طلبتش حاجة منه طول فترة رئاسته للوكالة الدولية. لكن ليه الوكالة بتفتش على مصر و ايران والدول العربية ومش بتفتش داخل اسرائيل, السبب بسيط لان مصر و الدول العربية و ايران موقعة "بكامل ارادتهم" على معاهدة منع انتشار السلاح النووي و بالتالي منشأتها النووية تخضع للرقابة الدولية لكن اسرائيل لم توقع على المعاهدة. ليه بقى؟ ممكن تسأل الدول العربية ليه وقعت رغم علمهم ان اسرئيل لم توقع.

وبعدين انت مجاوبتنيش على سؤالي (ايش ضمنك انه ميقدملكش انجازات وهمية زي مبارك) ايه ملاك يعني؟
ولو مقدملكش هتعمل له ايه
حكاية يتغير بعد فترة رئاسة دي مطاطة اوي هيروح مزور الانتخابات ويقول لك الناس بتحبني
يبقى ايه الثقة العمياء دي مش عارف
ياريت اجابة للسؤال ده

انا عارف انه لن يرشح نفسه على الاقل الفترة القادمة, ثم ان الراجل عنده 68 سنة يعني صعب جدا لو عملها ونجح انه يلزق 30 سنة زي ما واحد عملها او واحد شاب "عنده 50 سنة بس" عاوز يعملها.

لكن نفترض انه نجح وبقى رئيس وربنا كرمه وعاش 30 سنة وبقى عنده 100 سنة ولسه عاوز يحكم, ضمان التغيير الحقيقي هو الناس, بمعني ايه؟ بمعنى ان التغيير اذا نجحت بجهود الشعب و الناس, فده صعب ان يقوم شخص بالالتفاف حولها, يعني الناس القدرت تشيل نظام و تكافح من أجل التغيير و تجيب نظام جديد صعب جدا تجاهلها بعد كده. على سبيل المثال موريتانيا, كان عندهم زعيم تاريخي ماحصلش مافيش منه البلد تضيع من غيره اسطوري حكيم ملهم بطل كل حاجة مش الحرب والسلام بس, حصل ضده انقلاب وشاله احد رجاله من الجيش وعمل فترة انتقالية لمده سنتين وتمت انتخابات حقيقية ونجح فيها رجل مدني من المعارضة و تسلم السلطة, لكن بعدها بكم شهر قام الجيش بانقلاب و رمى الرئيس المنتخب للخارج و جاء زعيم تاريخي حكيم للحكم مرة تانية و الشعب سكت. سكت ليه الشعب؟؟؟ لانه لم يكن له اي دور في حركة التغيير كان متفرج ليس الا. لكن تركيا مثلا مستحيل حاليا يحصل كده فيها لان الشعب كان له دور في حركة التغيير. بلد في اسيا اسمها قرغيزستان بلد مسلمة من دول الاتحاد السوفيتي السابق عام 2005 قدر الشعب يسقط الرئيس التاريخي الاسطوري الحكيم وجاء رئيس اخر بعد فترة حاول يبقى اسطوري و تاريخي الشعب قام عليه و شالوه في ابريل 2010 لان الشعب هو حارس التغيير وليس متفرج او مفعول به مستني هايتعمل فيه ايه بكرة

وعماله تقضي عالعرب
والبرادعي هو سلاحها لمصر

البرادعي هو سلاح اسرائيل لمصر؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
البرادعي هو البعت طائرات و مساعدات لاسرائيل عشان يطفي الحرايق هناك
البرادعي هو البيحاصر غزة مع اسرائيل
البرادعي هو البيجيب خبراء زراعين من اسرائيل عشان يحطوا افكارهم في اكل المصريين
البرادعي هو البيدي الغاز الطبيعي لاسرائيل باقل من ثمنه ويحرم المصريين منه
البرادعي هو من يشكره قادة اسرائيل دائما
البرادعي هو من يقدم فروض الولاء و الطاعة دائما وعرض تدويل القدس من أجل ابنه الصغير يورثه مصر.

لو البرادعي هو العمل كده فمنك لله يا برادعي.


هدف البرادعي و هدف التغيير مش انتخاب البرادعي, الهدف هو تحرير صندوق الانتخابات من التزوير, وقف العمل بقانون الطواريء, منع التعذيب, اعادة الكرامة للشعب المصري عن طريق اعادة الشعب للمشاركة في اختيار حكامه. كفاية تزوير