عايزين ناس ترفع راسنا!!!!!!!!

[أحمد2025]

السلام عليكم ورحمة الله وبركاته

ازيكم ياجماعه ياحلوين عاملين ايه واخبارالدنيا معاكم ايه اتمنى ان تكونوا بخير وحياة جميلة سعيدة ان شاء الله
الموضوع اللى بكتبه ده النهارده مهم جدا ياجماعه وبيتكلم عن سمعة مصر والمصريين فى الخارج
ياجماعة بصراحة سمعتنا بره مش كويسة خالص وده بسبب طبعا المصريين اللى بيلوثوا سمعة مصر فى الخارج وهما مش واخدين بلهم.

انا ياجماعة هتكلم عن مجموعة مواقف حصلت لية انا وواحد صحبى واحنا فى دبى

اول موقف ياجماعه كنا احنا مطعم اكل لقينا تقريبا نص اللى شغالين فى المطعم مصريين والنص التانى من الصين واليابان والفلبين والدول دى لقينا ياجماعة المصريين اللى شغالين فى المطعم ده يعتبر مش بيعملوا حاجة خاااالص وقاعدين يهزروا والناس التانية شغالين بضميرررررررررر جدااااااا طبعا قولت لصحبى ليهم حق الدول دى تتقدم (الصين واليابان وكوريا ..........الخ) .

الموقف التانى اللى حصل كنت انا واحد صحبى بنلعب بلياردوا واتعرفنا على واحد ايرلندى عنده 10 سنين احنا كنا بنكلم عادى وطبعا الكابتن ده ميعرفش اننا من مصر ففجأة لقيناة بيقول انا مبحبش مصر احنا على طول قولنا احنا من مصر الكابتن وشة جاب الوان الطيف وقال انا مبحبش مصر فى الكورة بس بحبها كدولة واعتقد هو قال كده علشان احنا كنا قاعدين

الموقف التالت برضه ياجماعة وده حصل لواحد صحبى وكان بيلعب مع واحدة رومانية بلياردوا على النت وبعدين سألها وقال ليها ايه رأيك فى الإسلام ؟؟قالت له الإسلام جميل جدا واكتر حاجة فيه انه مليىء بالجنس فقال ليها لا الإسلام مفيش فى الإسلام علاقة بين الرجل والمرأة غير بعد الجواز فقالت له انها وهى كانت فى مصر العمال اللى كانوا شغالين فى الفندق اللى كانوا قاعدين فيه كانوا بيمارسوا الجنس مع السائحات الأجانب وهى شافت ده بنفسها.

الموقف الرابع وده موقف انا فرحت انا وصحبى بيه قوى كنا بنتكلم مع واحد ايرلندى وده كان شغال مدرس انجليش فى دبى المهم ياجماعة كنا بنتكلم فى الكورة ولقيته يعرف ميدو وقال علية انه لاعب كويس لكن لازم يبعد عن المشاكل وعرف كمان حسام غالى وشكر فى كتيرررررررر وكانت المفاجأة المذهلة انه يعرف إبراهيم سعيد وقال علية ده لاعب كويس ولكن برضه لازم يبعد عن المشاكل .
عايزين ناس ياجماعة ترفع راسنا بره مش بس فى الكورة لكن برضه علماء وأدباء وفنانين.

بجد ياجماعة المنظومة تحتاج الى اعادة صياغة

وعايزين ناس ترفع راسنا.

مع تحياتى
أحمد2025