جمعة الشوان للدستور الأصلي: ألوم الموساد لأنه لم يقتلني ويريحني مما يحدث لي في مصر

[أ/رضا عطيه]

المشاركة الأصلية كتبت بواسطة مسيو إيهاب

أستاذى الفاضل الأختلاف فى الرأى لا يفسد للود قضية

أنا لم أسافر إلى فرنسا فى منحة ولن أرسل لأننى ببساطة لا أمتلك وسطة ولا نقود
أنا متعاقد على قد حالى فى الأزهر بمرتب بعد خمس سنين لا يزيد عن 318 جنيه وبسافر فى الأسبوع ثلاث بلاد الحمد لله مواصلات وأكل وكمان بوفر منهم أكثر من 800 جنيه شهريا علشان أتجوز حضرتك هتقولى أزاى إذ كمنت بتقبض 318 جنيه هقولك دى حسب الحكومة عملها وخفايها على الغلابة اللى زينا أصل الدكتور الموقر أحمد نظيف أطال الله فى عمرى كان ليه تصريح بيقول أن أقل موظف فى الحكومة بيوفر فى الشهر 800 جنيه وأنا بعتبر نفسى أقل موظف فى الحكومة
حرااااااااااااااااااام بجد أنى الاقى حد بيدافع عن الحكومة الفاسدة
حراااااااااااااااااااااااام بجد حس بالشباب اللى ضاع بفعل فاعل شباب بلا هوية وبلا أى شئ
حضرتك أكيد طلعت من الكلية لقيت القوة العاملة بتدور عليك والمرتب بتاعك بيكفيك
والله العظيم كل الشباب قرف من البلد دى
ادوانا حقنا وحاسبونا بعد كده
حرااااااااااااام احنا ميتين
شغالين وتعبنين من غير أى فائدة
عايزين نعيش

هو نفس الاتهام !!!!!!!!!!!!!
بدافع عن الحكومة والفساد
لاحول ولاقوة إلا بالله

يا أستاذ من أقل من أربع سنوات كان مرتبى 305بعد20سنه خدمه
وكنت متزوج ولدى ثلاثة أولاد فى التعليم العالى والثانوى والابتدائى

لست باشا ولا أهواهم ولا حتى يروق لى رؤيتهم حتى فى التليفزيون موافقين أو معارضين كلهم سواء
وقد يفوق شعورى شعورك نحوهم فى الكراهية ولكن هل نهدمها من أجلهم ؟؟؟

طائراتهم مجهزه وأموالهم فى إنتظارهم ولن يشتت سوانا--
ونصيحة ---- كراهيتك لبلدك لن تصلح مسارها ولن تمدنا بخطوة للأمام بل إنكسار يتبعه إنكسار

شكرا لك وكل أمنياتى لك بالتوفيق فى عملك على أرض وطنك بس قول يارب

واعتذر على شدة اللهجة فى الحوار إن كانت أغضبتك

شكرا لكم