تلكس الى........

[مستر/ عبدالكريم على عبدالنعيم]

1- الاخوة المتعاقدين والمتعاقدين: اشربوا
2- وزير التعليم: لوعلمت انك هتبقي وزير المتعاقدين مكنتش مسكت الوزارة
3- المحافظين: حطوا ايدكوا على خدكوا لحد الامضا ما تيجى
4-: اعضاء الاكاديمية: خلوكوا تلاته عشان الحسد......وجابوا لكم سكرتير كمان
5- بتوع الطعمية : انتوا اكتر المستفيدين من الورق اللى بيتجدد كل سنه
6- الصحف: ممكن تعملوا مكاسب ضخمة ...كلمتين عالماشى كل يوم .........والحدق يفهم
7- وزير التنمية: تحية للقضاء على المحسوبية والوساطة....نفسي تمسك وزاة العدل والداخلية والكهرباء والمياه
8- وزير المالية: اتذكرك كلما سمعت ابويا يقول " معاييش فلوس"
9- رئيس الجهاز المركزىللتنظيم: شوف كام واحد بيدعى عليك قصدى بيدعى لك
10- اصدقائى وزملائى المتشائمين : يا وحشين.........اخص عليكم
11- رئيس الوزراء: اجمل حاجة فيك سياسة التنضيف اللى ماشيه فى البلد دى خصوا جيوب الموظفين.......بس انا بنصحك تستعمل رابسو ومتنساش الزهرة
12- المدرسين المعينين: سبحان الله ربك بيقطع من هنا ويول من هنا ........العيال بقيت بتضربكم ومش قادرين عليهم دخلتوا دلوقتى على الى مكتوبين بالرصاص.............وعجبي
13-امهات المتعاقدين: ارجوكم بطلوا تدعوا لفلسطين والعراق وادعوا على تلاته فى البلد كل الناس عارفاهم بس بقلب جامد
14- اى حد : تحيا جمهوية مصر العربية الحرة المستقلة مقبرة الغزاه العتيقة المتحضرة النضيفة المتطورة الجديدة الصحية التجارية الصناعية الزراعية الملوخية................