مصيبة بكل ما تحمل الكلمة من معنى

[مصرية وبحب بلدي]

السلام عليكم ورحمة الله وبركاته
انا حصل معايا موقف من كام شهر كدة حبيت احكيهولكم واشوف رأيكم
الكلام ده حصل قبل ما اتخطب
انا من المنيا والجامعة بتاعتى فى بنى سويف فبدل تعب المواصلات وقرفها قلت اسكن هناك
وبالفعل دورت على سكن وفى اول اسبوع فى الدار لاحظت حاجة غريبة جدا
بعد الساعة عشرة كل البنات تتدخل اوضها ويقعدوا يتكلموا فى التليفون بالساعات قولت انا مالى
انا اكتفى بنصيحة اللى اقدر عليه المهم فى يوم من الايام جاتلى واحدة وبتقولى
انتى ليه مش مرتبطة ؟
انا فهمتها من الاول بس حبيت اجيب اخرها فى الكلام تعالو شوفو الحوار
هى: انتى ليه مش مرتبطة؟
انا: مرتبطة يعنى ايه؟
هى: يعنى مش بتكلمى حد ولاحد بيكلمك مش بتحبى يعنى
انا :ليه بتسألى هى دى حاجة غريبة يعنى؟
هى: اه انتى حلوة وجميلة ايه المانع
انا: اصل انا مش معايا موبايل (بستهبل عليها)
هى: ما انتى لو ارتبطى بحد يجيبلك موبايل ويشحنلك وانتى هنا غريبة
فى شهر مش معاكى الايجار يدفعهولك ويصرف عليكى
انا: اتقى الله يعنى مش مكفيكى انك بتعملى مصيبة لا وكمان بتنصحى الناس بيها
واتعاركت طبعا معاها
المهم انتم متخيلين حجم المصيبة دى شوفو الردود المستفزة بتاعتها
وفى الاخر تقولى العيب عليا انى عاملة على مصلحتك
حد يقولى ان انا بحلم وان دى مش حقيقة
هل هم دول ابنا مصر دول المسلمين
هم دول اللى عايزين البلد تتقدم بيهم
دول جيل المستقبل
حد يفهمنى؟
ولو انتو مكانى كنتو هاتعملوا ايه؟
حسبى الله ونعم الوكيل