ارجو الهدوء

[عمرو نصر]

زملائي المدرسين المتحمسين لفكرة الاضراب ... اسمحولى اختلف معكم لان فكرة الاضراب مرفوضة وهتلاقى رد فعل عنيف من الدولة عشان متتكررش كمان فى ناس ممكن تغطى امتناعنا عن اعمال الامتحانات زى اصحاب العقود المؤقتة والعاملين بالاجر وحتى المدرسين المساعدين الذين لم يدخلو امتحان الاكاديمية فى 20/11/2009
..... طيب نعمل ايه
* اول حاجة احنا منعملش اضراب لكن نعمل وقفة سلمية امام مبنى الوزارة وتكون الوقفة دى قبل بداية الترم الثانى بحيث لو الموضوع ضرب معانا وسمع نبقى عملنا اللى علينا وادينا اعمال الامتحانات
* اؤكد على فكرة انها وقفة سلمية وليست اعتصام حت لاينفر منا اصحاب النفوس الضعيفة
* لازم اخوانا بالاجر والعقود المؤقتة والمييزة اللى مدخلوش اكاديمية يكونو فاهمين ان الوقفة دى لمصلحتهم ايضا وان هدفنا اذا ربنا اكرمنا وفى حد سمعنا كالتالى
* لن نبدا الدراسة فى الترم الثانى حتى يكون هناك جدول زمنى بمعنى انه من يعمل بلاجر عام مثلا يتم التعاقد معه فى العام التالى ( تعاقد مؤقت ) ثم بعد ان يتقدم بشهادة icdl يتم ترقيته لمعلم مساعد بعدها بعام يتقدم لامتحان الاكاديمية وفى حالة حصوله على الترخيص يتم تعينه وبذلك نضمن مشاركة الجميع معنا فى هذه الوقفة
* ايضا لايخفى على الجميع ان الدولة تعد لقانون الوظيف الجديد وانا متاكد ان مفيش تعين قبل صدور القانون
وعملا بالحكمة اذا ارت ان تطاع فامر بما يستطاع اقترح التالى
* ان يكون موعد الوقفة الثلاثاء 1/2/2011 وتكون المطالب كما بينت سابقا
* اذا لم تستجب الوزارة لموعد اقصاه 31/3/2011 نضرب عن العمل
* الفترة من 1/2/2011 الى 31/3/2011 فترة كافية لخروج قانون الوظيفة الجديد اللى النور اما اكثر من ذلك فهو لا يعنى سوى شئ واحد ان مسلسل المماطلة مستمر ولن يكون هناك ايى جديد
وفى النهاية ارجو المعذرة على الاطالة