شغل دماغك في المسالة دى { مصر 1973 }

[josephmorris]

سلك طوله 44 متر لف حول ساق حديد طولها 10سم ونق لها 7سم نفاذيتها 2من الف وبر\امبير.متر مر تيار شدتة 20 امبير فاذا انعدم التيار فى 0.5 ثانيه احسب متوسط ق.د.ك المتولدة فى الملف ارجو الحل فى اسرع وقت

بص انا هقولك فكرتها ع السريع .. لو حليتها هتاخد وقت
معاك طول السلك .. ومعاك نق لساق الحديد ( للملف)
عندك قانون بيقول ان عدد اللفات = الطول ÷ محيط اللفه
معاك كل حاجه تجيب عدد اللفات

تقدر دلوقتى تجيب كثافة الفيض اللى بتساوى = (ميو × عدد اللفات × شدة التيار ) ÷ طول اللفات ( 10 سم )

تيجى بقى لأهم نقطه
هتقول ق.د.ك المتولده فى الملف = (معامل الحث الذاتى ( l ) ×التغير فى التيار) ÷ التغير فى الزمن = (عدد اللفات × التغير فى الفيض) ÷ التغير فى الزمن ( قانون فاراداى)

القانونين التانى والتالت اشتغل عليهم ... التغير فى الزمن هيروح مع بعضه
يبقى فاضلك معامل الحث الذاتى .. الباقى موجود ... ( التغير فى التيار و التغير فى كثافة الفيض -الفيض × المساحه - و عدد اللفات )

تجيب معامل الحث الذاتى ... L

خلاص كده
من القانون ق.د.ك المتولده فى الملف = (معامل الحث الذاتى ( l ) ×التغير فى التيار) ÷ التغير فى الزمن
تقدر تجيب ق.د.ك المتولده بكل سهوله
طبق وشوف النتايج ...
بس متنساش فى القانون تبقى تكتب السالب اللى بيعبر عن قاعدة لنز .

- قول حللك يا أمير