بالله عليك اقرا الموضوع وخلي لك دور

[mhegazi]

السلام عليكم ورحمة الله وبركاته

انا عارف ان الموضوع ده مش مكانه بس اعتقد ان ده وقته
ياجماعة ارجو من اي واحد يعرف اي متظاهر في اي مكان يبلغه ان كفاية كدة اوي
اللي كنا عايزينه خلاص وصلناله والوزارة الجديدة اكيد ان شاء الله كويسة لان اتعرفت ىالسكة خلاص لو ماكانتش كويسة حنتظاهر تاني
الحل الوحيد للمشكلة اللي كان نفسي فيه للمشكلة هو ان الرئيس يقول انه مش حيرشح نفسه تاني واهو قالها خلاص
حتى الدستور حيتعدل
الحكومة اتغيرت
عايزين ايه تاني : ياترى عايزين نخربها زي ما كل اللي في الخارج عايزها تخرب ولا عايزين حد يدخل من بره ينهيها
بيتهيألي ان كله عارف ان لو الرئيس مشى دلوقت حتلاقي كل واحد عايز ينطوياخد الرئاسة
عايزين ياخد الرئاسة مين
البرادعي عميل الاميركان
ولا السيد البدوي : بتاع قنوات الحياة اللي مافيهاش حاجة تخص الدين
ولا الاحسن من كدة نسيها للاخوان : اقسم بالله العظيم اني كنت بحب الاخوان اوي بس بعد انتهازهم للفرصة انا غيرت رأيي ( تحالفوا مع البرادعي الاميركي لتصفية حساب مع الرئيس )
ياجماعة ارجو كل واحد يفكر ولو رأيه لصالح البلد ما يحتفظش يحاول ينشره لغيره
ارجو الاهتمام بالموضوع ده بجد

اللهم ادم علينا نعمة الامن والامان واهلك الحاقدين على هذا البلد الذين يريدون تخريبه