تحدي

[إلهام صلاح لاشين]

قصيدة تحدى –شعر إلهام صلاح
ليه بقيتى ف وسطنا
دود بينغل لحمنا
سوس بينخر عظمنا
قيد يسلسل جسمنا
ليه بتطفى ف شمعنا
قصدك تهدى ف عزمنا
طامعة ف بلادنا وأرضنا
ولا تقدرى
ولا تقدرى ولاخطوة
واحدة تخطى يوم على ملكنا
لو تسألى ذرات ترابنا
تقول ف وشك مجرمة
ما تفكريش إنك تخوضى ف عرضنا
ده إنتى هناك
وإحنا هنا
مش لقمة سهلة
ولا حتى إيدنا هوينة
آه يا مجرمة
فاكرة المآذن والكنايس
فاكرة البيوت فاكرة الشوارع
لما كانت قدسنا
لما كانت قدسنا
عمرانة بيهم وسطنا
فاكرة الشهيد ابن الشهيد
فاكرة النحيب
والدم سايل مننا
وحياة ولادنا وحلمنا
وحياة عروبة قدسنا
راح نقلعك
راح نحرقك
بنيران عزايم مؤمنة
ولا أمريكان ولاأى كان هيهمنا
حتى السلاح لو قولتى ده اللى يهتنا
وإن الخيانة سلاح يفت ف عزمنا
ناسية الإيمان!!!!!
ناسية اللى شادد أزرنا!!!!!
ناسية اللى صبر قلبنا!!!!!
على ولدنا---على زرعنا---على قلعنا
ناسية اللى هون حزننا!!!!
آخر كلام إن التوكال على ربنا
يقلب ميزانكو
تصبح رقابكو ف كفنا