يا رب النصر لرجالة مصر

[إلهام صلاح لاشين]

كان جواه الحلم تايه
اصله منسي من سنين
رفع راياته للكفاح
لجل نصر المحتاجين
قال حياه بأعلى صوت
واقتحم صفوف المعتدين
كان في ايده رايه واحده
رايه تثبت انه امين
انه لو عاش الحياه
مش هيطاطي الجبين
وان الحياه لرب الحياه
والذل للمستضعفين
رايه طالبه حاجه واحده
بعد الفساد والظالمين
قتل خوفه وفي الميعاد
كان أول المتظاهرين
بس الفساد بعنده زاد
واستكبر انه يلين
خان البلاد ..
خان العزل المعتصمين
خان أخويا
اللي دافع عن قضيه
ضربه بسلاح
وهوه فاضي الايدين
دم الشهيد اللي انتهى في الهوجه ديا
دم غالي يبلاد عليا
لو تطيتم يبقى للذل رضيتم
واتهدر دم الشهيد