الأستاذة أم شاهندة

[ابن الأكرمين]

المشاركة الأصلية كتبت بواسطة اميمة طه

بسم الله الرحمن الرحيم

والصلاة والسلام على اشرف المرسلين سيدنا محمد الرسول الامى صلى الله عليه وسلم


بعد اذن السيد/ الراجى رضا الله ...........


مضطرة اقتبس من حضرتك جملة كتبتها واظنها من الجمل القليلة اللى اظهرت حقيقة فى الموضوع المثار


" والله قلبى بنزف دما لما اراه من عقول تقود عقول الامة "


طبعا اللى بيجرى فى المنتدى ده حاجة صعبة جدا وغريبة ... المعتدل اللى بيحاول يشوف الصورة كاملة واحد يطلع يقول عليه خائن وحاجات تانية غريبة بلاش التطرق لها لانى شفتها فى اكتر من مشاركة


اولا : معليشى بقا استحملنى شوية فى كلامى اصل تعليمى عادى على قدى يعنى وجايز فكرى ميوصلش لفكر حضرتك اللى بتحاول تفرضه على الناس فى المنتدى انه هو الصح .


ثانيا : طبعا الكلام اللى حضرتك كتبته مش مسلم بيه كله على انه غير قابل للنقاش والا متكنش بشر واظن الصفة دى يعنى موجوده.


**********************


بداية انا صدمت من الترتيب الغريب واللى انا علقت عليه شخصيا قبل كده فى الطريقة اللى حضرتك بتسرد بيها الحدث انما:


طبعا الاستهلال اللى حضرتك بدات بيه الرسالة اللى هى مش شكوى او تظلم على قد ما هى رسالة موجهه وباستغرب اكتر من طريقة البدء واظهار التراجع وعدم اليقين فى اول الرسالة كانه رجاء مخبا بين الاسطر بعدم حذف العضوية واظن لو حضرتك كنت على حق مكنتش هتحتاج هذه البداية .... ام انك تشير ان موقع الثانوية العامة موقع مسيس " له سياسة تميل لقمع الحريات " ؟؟ فهل هو ايضا ضد الثورة ؟؟؟ وهنا اسال سؤال .... طالما السياسة المتاحة هنا ضد الحرية ولا تتيح الفرصة للتعبير عن الرائ فما سر التمسك بالعضوية ؟؟


:


:


:


مكنتش اتوقع من شخص زى حضرتك بتدافع باستماتة عن ارائك انك تلجا للطريقة دى لعرض مشكلتك وتحويل الرائ لصالحك بالباطل وهى ان الادارة لم ترسل التحذير لهذا السبب وحضرتك اعلم بكده .... انما السبب الرئيسى فعلا هو الطريقة التى تمت بها الرد على العضوة ... وفى استنادك ان الزملاء راوا الاساءة ولم يبدى احد اعتراضه ... هذا لا يعنى بالضرورة الموافقة انما قد تعنى عدم الرغبة فى الاحتكاك بحضرتك لما تطلقه من جمل وتشدد وتعصب واضح ..... بالاضافة ان الادارة ياما ناس قالت على المشرفين والادارة ولم يتم انهاء عضويتهم او تحذيرهم ...


::


::


اولا احب اسال حضرتك من اعطى لاى فرد فى المنتدى حق ابداء الراى وسلب هذا الحق من اى عضو اخر ؟؟ احنا مش فى جماعة لها امير هو اللى يقول ويامر وينهى . الحمد لله كل الناس هنا معتدلين مش متشددين واظن ان هناك ضابطان أساسيان عند إبداء الرأي يجب الالتزام بهما أولهما: ألا يكون في الرأي مخالفة لأحكام الشرع، بمعنى ألا يكون فيه دعوة للكفر مثلا أو تشجيع على الباطل أو إحقاق له. والضابط الآخر: هو ألا يكون في الرأي اعتداء على حقوق الآخرين، فصحيح أن حرية الرأي مكفولة في الإسلام، ولكن عندما يشمل الرأي غيبة مثلا أو نميمة أو افتراء لا يكون رأيا، فحرية الرأي عند الفرد تنتهي حينما تمس حقوق الآخرين. وطالما التزم الفرد بهذين الضابطين يمكنه أن يتكلم كيفما شاء ويبدي رأيه بأي شكل شاء سواء كان ذلك في كلمة أو مقالة أو تحقيق صحفي أو أي أسلوب آخر. والكلام اللى مكتوب من العضوة او اى عضو كتب رايه فى الموضوع ده نظرا لضيق افق بعض الاعضاء تم تفسيره بالخطا ونظرا للتشدد اللى ابهم دور العقل فى الاستيعاب ففهم ان انتقاص للثورة وشهدائها . وهذا باطل ورب الكعبة والله اعلى واعلم بتلك القلوب الطيبة التى لاتخفى داخلها ما يعكر صفوها او صفو من حولها . هل التحث فى سلبيات الثورة اصبح من المحرمات ؟ وافاجئ ان حضرتك بتنفى الراى فى الاسلام وتقصره على فئة معينة وبتقول ان الديقراطية دى بنص كلامك "كلمة الديمقراطية اللي الكل فرحان بيها ...دي كارثة طبقا للتعاليم الدينية

طبعاكلامي دا لا يفهمة ولا يدركة الا من قرا في العديد من المجالات
فمثلا
هلقراتي ان الديمقراطية تقوم علي 8 امور منها (اللادينية او العلمانيةوالرابط:http://www.thanwya.com/vb/showthread.php?t=285873&page=3)

وافاجئ برده ان حضرتك بتستشهد بالديمقراطية اللى حضرتك رافضها فى الاصل لانها تتنافى مع تعاليم الدين فى جملتك "وعارف بعدها الادارة هتعمل اية كويس

لاني ببساطة موش في امريكا عشان اضمن انمدير المنتدي ممكن انتقدة انة يترك كلامي منشور للي عاوز يعرف
كثيرا ما دخلنامنتديات وحفظنا اسلوب وطريقة التعامل فية كويس...وطبعا مش قادرة افسر التضارب الغريب فى كلام حضرتك فهل حضرتك مع الديقراطية ام لا ام مع الديمقراطية اللى بتخدم مصلحة شخصية وبس

بما تفسر ( واظن ده سؤال الملايين ) استمرار الاعتصام بالرغم من تنفيذ المطالب الرئيسية التى عرضت على الاقل وقتها على انها الاساسية من اسقاط للنظام وراس النظام وتغيير الدستور وحل مجلسى الشعب والشورى ...... بالاضافة الى تغيير الوزراء ومحاسبة المقصريين والفاسدين واالتحقيقات مع من اتهم باهدار المال العام والرشوة واستغلال النفوذ !!! وبين محاولة بعض العناصر الاستمرار فى التظاهر والاعتصام ؟؟ الا يتعارض ذلك مع مصلحة البلاد التى ينشدها الجميع ...


:


كلام العضوة كان تلقائى من دافع لا يختلف عن دافع كل المصريين فى الاستقرار فهل تنكر وانت انسان متعلم على ما يبدو اننا لو فى عهد الرسول الكريم رغم تنفيذ المطالب الاساسية واعطاء وقت للمطالب الفرعية التى لاتتم بين ليلة وضحاها يتم رفض العودة وترك الميدان بالرغم مما يسببه من تعطل فى العمل وتوقف طاقات الانتاج وانتشار الفوضى حاليا والاضراب المستمر باستمرار التواجد فى الميدان بالاضافة لوضع طاقات الجيش فى التامين الداخلى بدلا من ان يكون الافضلية فى التامين الخارجى ... الايعرض هذا البلاد للخطر سواء كان خطر اقتصادى ..تجارى او غيره ؟.. ماذا يقال على هذا الوضع بالذات فى الدين الحنيف اظن حضرتك عارف كويس الوضع ده بالذات اسمه ايه وايه عقوبته . انما احنا ناخد مبنطبقش الدين فى كل حاجة. ده طبعا لو حضرتك عاوز تطبق الدين الصح . انما احنا الواضح بتاخد اللى يناسب الموقف بس .


كمان لاحظت القدرة العجيبة من بعض الاعضاء على القاء التهم ورمى الناس بالباطل ..وهو اطلاق لفظ الخائن على كل من ينتقد سلبيات هى فى حد ذاتها جانبية لاتمت للثورة الحقيقة التى استشهد فيها ابطال مصر فهل ادركت حضرتك خطورة هذا اللفظ بالذات فهل هناك فتوى اطلقها الازهر الشريف يدين بها من ينتقض سلبيات الثورة ؟ام ان الثورة كلام منزل لا يمكن الخوض فيه ؟... وما قولك بانشاء حمامات فى الميدان الا يعتبر احدى سلبيات الثورة تضر بالمكان اكثر من نفعيتها ؟


وطبعا فى ناس ملهاش رائ مستقل فتتطفل على اراء الناس وتوافق باندفاع غير متعقل .


بالنسبة للموضوعات اللى تم الاختلاف عليها ؟


والله خربت مصر


حضرتك اخدت فيه بالظاهر معليشى التعليم العام اوقات بينفع يعنى فى الحاجات الهايفة اللى زى دى وعشان حضرتك ازهرى وده طبعا مش طبع كل الازهريين لا تعترف بالتطور ومواكبة التغيير فاخدت الموضوع بالاسم وسريعا ربطته ان دى طريقة مواليه للنظام وتاكد الهاجس بان فى فعلا خائن؟؟؟؟؟؟؟؟ فان اسمه كما فهمه كل الاعضاء بعد التنحى مباشرة واعلان ان الجيش من سيقود الازمة فاضطر الناس سريعا للبحث بمعنى " يعنى ايه الجيش يمسك البلد" وطبعا عشان دى حاجة جديدة علينا فلجاوا لمواد الدستور وعرفونا ايه هو الحكم العسكرى والناس طبعا ابدت استيائها منه قبل ما تجربه وده طبيعى جدا وكل التعليقات على النقطة دى .انما الحمد لله مع اول بيان للجيش اكد اننا هنحافظ على الحكم المدنى والموضوع اتقفل على كده لحد الناس اللى بتلف فى المواضيع القديمة لقت الكلام اللى هو قديم اصلا قبل التصريحات دى ومسكته من جديد ؟؟؟؟ وده سبب المشكلة اللى حصلت فى الموضوع ده .. عدم النضج الكافى


بالنسبة للجزء بتاع الاستاذة شاهندة اترك لها الحرية فى الرد من عدمه.


وفى جملة احد الاعضاء قالها "والاسماء اللىحضرتك شرفتهم بذكر اسمائهم انا سبق وهاجمتهم بالاسم منهم رضا الوادى وابن الاكرميين و الاستاذه ام هيما وميس دينا"


وان اختلف معاه طبعا لان الشرف الوحيد اللى نالوه فى ذكر اسماؤهم فى الموضوع ده الحسنات اللى اقتنصوها بدون علمهم من كاتب التعليق ومن كاتب الموضوع ومن كل من صدق على انهم خونه ومن كل من راى المنكر ورمى الناس بالباطل دون اثبات حقيقى ولم يذكر كلمة يسال عنها يوم العرض على المولى عز وجل .

كمان فى حاجة غريبة بتعرضها مع الموضوع وشدت انتباهى اكتر.....وهى استطلاعك بعدد الموضوعات اللى بتبدى شفقة تجاه الرئيس السابق وعدد الموضوعات اللى مع بقاء المتظاهرين فى التحرير مع معرفة الاعضاء ومحاولة اجهاض افكارهم فى كل مرة ممكن تتقابل بيهم فى موضوع .مين فينا بيدخل يعمل الاستطلاع ده الا اذا كان هدفه الاساسى حاجة غير التعليم واحب اقول ان فى ناس واخدة الثورة وسيلة ودى معظم المصريين وفى ناس تانية واخدة الثورة فى حد ذاتها هدف .... ليه ؟ الايام هتظهر ...... ومش هافسر
:
:
كمان فى اصرار عجيب على ذكر كلمة جهاد ....ممكن حضرتك تفسر ليا ايه الجهاد اللى مكرس نفسك ليه وانه باستشهاد صديقك ( اللهم ارحمه) الكفاح مضطر تكمله لوحدك ..... كلنا بنجاهد ونكافح فى شغلنا والظلم اللى بيقع علينا كل حسب طاقته ... انما ايه نوع الجهاد اللى يضيع منك التعيين فى الجامعة وكمان يتسبب باعتقالك سنة كاملة ...... ويا ريت متقولش الالتحاء هو سبب الاعتقال لان كثير من المناصب يحتلها ملتحيين!!!!
موضوع وائل غنيم ..........
ليه حضرتك مبتفرضش كل الفروض ..... وايه السبب انك بتطلب الدليل طيب ليه مبتحاولش تدور على دليل النفى وتنفى بدل ما تصادر الحريات وما سر الثقة العمياء به هل انت وطيد المعرفة به؟؟ وما القناة الفضائية التى لك بها صلة وثيقة طبعا مش الوحشة بتاعة اسرائيل بنص كلام حضرتك.وايه السبب انك بتربط الثورة بوائل ؟ هل هو من قام بها بمفرده ؟ هل هو رمز الثورة ؟ لو قلت ايوه يبقى انت اللى بتنفى وجود الشهداء اللى وضعوا جذور الثورة باجسامهم الممزقة الملطخة بالدماء. وانا ارفض بشدة استدلالك بزوجات النبى صلى الله عليه وسلم فى موضوع زى ده ..... سيرة النبى العطرة اكبرمن انها توضع هنا او ان يقارن بها اى مسلم فما بالك بمن تحيط به الشكوك!!!
كمان فى حاجة كل الناس اللى هنا ناس عادية تقرا القران وتصلى الخمس صلوات وتروح الجمعة ... فهل لنا ان نعرف فكرك او اتجاهك الدينى؟؟ وان كانت واضحة انما التحديد على اى فكر من اكبر 5 افكار او اجاهات منتشرة فى مصر تعتمد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اخيرا:
اخى فى الاسلام :
ازاى حضرتك وانت خريج جامعة الازهر الشريف تكون دى طريقتك لدعوة الناس لطريق يفترض به الصلاح والاصلاح للوطن الغالى .... حضرتك اطلقت ... الخونة – العملاء- المرجفين ( وان كانت فى رد فى موضوع تانى )
هل تلك الدعوة بالحسنى التى امرنا بها ديننا الحنيف ؟ اجزت لنفسك ولغيرك اطلاق لفظ الخائن على مصرى مسلم قد يكون اصلح منك وافضل واقرب الى المولى عز وجل وانت لاتعلم فماذا لو تم اختيارك كداعية تدعو الى الاسلام ؟؟؟ اظن الاجابة واضحة...
:
: وبالنسبة للرد اللى حضرتك مفهمتنيش فيه فى موضوعى وقلت سمك لبن.... ببساطة حضرتك فى الاستدلال قسمت الاجابة على مرحلتين جزء خاص بفترة تواجد الرسول والجزء الثانى تكلم عن العلمانيو وغيرها من المستحدثات اللى تضر الدين وانا بناء على طريقة ردك برده قسمت الاجابة لجزئين واحد قلت ان اللى اتقال كفاية من الناس اللى قبلى ورديت على جزء ان الرسول كان اول من يطالب بالتجديد ومواكبة التغيرات ... وحضرتك مقدرتش تستنتج الرابط ................

متاسفة جدا جدا جدا للاطالة انما كان واجب حاجات تتقال ومتاسفة لكل الناس اللى حصل لها اهانة سواء فى الموضوع ده او غيره

ارجوا من الأخوة الأفاضل أن يفهوموا كلام حضرتك كويس ويردوا رد منطقي