دعوه من القلب ( شارك لله )

[ام ملك 55]

مع انى عمرى تقريبا هو مدة رئاسة الرئيس محمد حسنى مبارك شفاه الله وعفاه
ولكنى لا اتذكر اننى شعرت بالخوف او عدم الاستقرار والامان الا فى الفترة الاخيرة
وسبحان الله اننى اشعر بواجب كبير تجاه هذا الرجل ويكفى انه لم يوافق على المشاركة فى غزو العراق عام 2003
ويكفى انه لم يسمح بتواجد قواعد امريكيه على ارضنا مثلما فعلت بعض الدول العربية
وما يضايقنى جدا خروج شباب لم يتجاوز عمرهم 25 عاما ويقول اننا بقلنا 30 سنه فى عذاب وذل
اذا كان عمرك 25 منهم على الاقل 15 سنه كنت فيها طفل لا تدرك شئ جبت منين 30 سنه ذل
وكمان هى مصر كانت كده عام 1981 عندما اصبح مبارك رئيسا يعنى معملش حاجه كويسه خالص للبلد مستحيل
مع العلم اننى اعلم ان السنوات الاخيره كان الفساد انتشر بشكل غير طبيعى واعرف جيدا ان هناك اخطاء فادحه
وفرحانه جدا بالتغيير بس التغيير الصح مش اخرج فى مظاهرات ليس لها اول من اخر لحد ما حال البلد وقف
ومع احترامى الشديد للمعلمين المساعدين الى انا واحده منهم الى كل كلامهم عن التثبيت مع انكم عارفين ومتاكدين ان التثبيت اصبح مسالة وقت لا وكمان الناس الى لسه ممتحنتش الكادر ومخلصة الرخصة الدوليه كمان بيقولوا نتثبت حتى لو كان غيرهم تعب علشان يوصل ولازم هما كمان يتعبوا زيهم وعلى فكرة انا لسه ممتحنتش كادر يعنى زيكم بالضبط بس مش من حقى اطلب حاجه هى حاليا من حق ناس معينين الى هما استكملوا الشروط
عموما ربنا يوفق اولى الامر ويجعلنا امه امنه مستقرة لنا ولاولدنا من بعدنا