الحكومة الحالية لم ولن تصدق فى كلامها

[بحراوية من دمنهور]

يا جماعة الحكومة دى مش صادقة معانا بجد النظام متغيرشى نفس الطريقة فى التعامل مع الشعب عارفين طبعا يا جماعة مبادرة وزارة المالية عن طريق ارسال الاوراق لصندوق بريد 11599 طلعت فشنك وطلعت لعبة من الحكومة عشان تلم منها فلوس التقديم فى المسابقة دى فى البريد بقى ب8 جنيه وساعات 10 وزمايلى لما راحو يقدمو لقو الورق بترمى على الارض والله اعلم هيتبعت او لا ثم ان مبدأ انك تبعت اوراقك كله مع كله والسلطة اللى حاصلة دى ده اللى يبين كذب الحكومة عندنا فى البحيرة ناس بالاف راحو مكاتب القوى العاملة لقو نفس الحال الورق مرمى على الارض وكمان فى ناس راحت تقدم فى مبنى المحافظة ودى لوحدها مصيبة اخدو الورق منك بمنتهى الزوق وقالو تعالى بعد يومين بالظبط اسأل ولما راحو زمايلى لقو تجمع من الناس ومعاها ورق وكشوف فيها اساميهم ومتوزعين على هيئات زى التربية والتعليم والشئون الاجتماعية وغيره من المصالح ولما راحو يتأكدو فى المكان لقو انها كدبة وانهم عشمو الناس وخلوهم يفرحو لساعات انهم قبلو فى وظايف ده غير طبعا طلبات التقديم على شقق اللى بردو طلعت كذبة وانك تدفع 5 الاف جنيه ونشوف يا تتقبل او لا ولما تتقبل بعد فترة هتدفع 17 الف وتستنى دورك اللى هو مش حيجى اساسا انا بجد زهقت من الحكومة وحال البلد السيئ والدوخة اللى احنا فيها ومن نحية تانية بنسمع عن ميليارات منهوبة من البلد فى الاخر لنا ربنا وحسبى الله ونعم الوكيل