|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
24-02-2011, 07:57 PM
|
||||
|
||||
حصريا على قناة الحصيرة.. ملف خاص جداا .. حوار مع الرئيس .. ورأيه حول ثوار18فبراير
بسم الله الرحمن الرحيم اعزائى مشاهدى ومتابعى الحصيره  كما وعدناكم بلقاء مع الرئيس .. ورأيه حول الثوره .. أتيناكم بما وعدناكم .. نجما سطع فى سماء بوابتنا الغاليه .. اطال الصمت واكتفى بضوءه المشع فى قلوبنا جميعا .. جاءت الاعتراضات كثيره .. ولكنه لزم الصمت .. فالصمت من شيم العظماء  وانا كمان اسمى الصمت فشهدت الثوره الفريده .. والاولى من نوعها .. ديمقراطيه خاصه بالرئيس .. الذى رأى انه لا داع من قمعها .. وجعل الثوار يتحدثون بكل حريه .. ألتقينا بالرئيس .. وسألناه اسئله عده حول رأيه وانجازاته ورؤيته الخاصه حول الثوار .. ومن المعروف ان انجازات الرئيس عديده وحصلت على اعلى نسبه تقدير فى تاريخ البوابة .. وقد تمثلت فى رفع راية الحريه على المنفى واخراج جميع معتقلى الرأى . .ألغى روابط الكارهين التى كانت تثير الغضب بين شعب البوابة وطوائفه ولأول مره فى عهده تعود العلاوات للعاملين ويتم السماح بالاجازات المرضيه والدراسيه للعاملين بالبوابة .. اتسم عهده بالحريه والديمقراطيه ..عانى الكثير للوصول لما نحن فيه ..فلننتقل لسياده الرئيس .. ولنتركه يتحدث باستفاضه .. ما هو رأيك سيدى الحاكم فى ثوره 16 فبراير ؟! انا بسميها تظاهره سلميبه ولكن هناك عناصر مدسوسه بدأت تتدخل ولابد لإزالتها والتصدى لها بكافه الوسائل القمعيه  لك انجازات كثيره فى البوابة.. حدثنا عنها ؟! المفروض الاعضاء والمشرفين هما اللى يقولوا الانجازات وهقول بعضها عودة روح الديمقراطيه وابداء الرأى  والاستماع للرأى وتنفيذه ان كان مفيدا عودة المبعدين السياسيين وفتح الباب امام الجميع للعوده اضافه وترتيب اقسام جديده جعلت من البوابة شكل جديد تنفيذ طلبات الاعضاء وعدم التعنت ان كانت بمتناول اليد تشجيع الاعضاء الجدد وضمهم للاشراف وكسر القوانين القديمه الصلبه والباقى ممكن الاعضاء يتكلموا عنه ما مدى صحة انك ترشى بعض المؤيدين لك بوجبات الكنتاكى والمال ؟!دى مش رشوه دى أصول الاستضافه وانا بحس بعناااء الناس ولازم اقف جنبهم ما رايك فى معارضيك .. وهل ترى ان ما يحدث تنفيذ لاجندات خارجيه ؟! دووول شويه أعضاااء عندهم حماااس  ولازم نقعد معاهم ونبحث طلباتهم ونرضيهم واللى مش هيتلم هما عارفين هنعمل فيهم ايه بس انا عارف بعد التحقق امبارح من متزعمى الثوره والقاء القبض عليهم ان الطلبات دى نابعه منهم وكنا مفكرين فى الاول انهم عناصر مدعومه من منتديات تانيه ولما اتأكدنا أخلينا سبيلهم بضمان الباسورد بتاعهم اتهمك المعتصمين بالعنف .. واعتقالك ل الصمت الحزين مشعلة الثوره .. فما تعليقك ؟! مفيش عنف ولا حاجه دا تحديد اقامه جبريه لعدة ساعات لان مباحث امن البوابة جاها اخبار انها مدعومة من منتديات تانيهوبعد التحقق تم رفع الحظر عنها فى اعتقادك .. ما هو السبب المخفى خلف الثوره ؟!! الكبت اللى كانوا عايشيين فيه من الفتره السابقه عمل عندهم انفجااار وانا أشك إنهم كانوا عايزين كنتاكى ما تعلقيك على حشد المعتصمين انفسهم فى ميدان القسم العام .. وما السبب ؟! شويه هيزهقوا وكل واحد هيروح لقسمه وهما عايزين مساحه اكتر من حريه الرأى وانا مش ممانع بالنسبه لقسم من اجل مصر .. يقولون ان هناك اصابع خفيه تعبث بحرية الرأى هناك .. وتحذف مواضيع واخبار بعينها !!! فما تعليقك ؟! القسم من اجل مصر ده اكبر قسم فيه مشاكل لانه يضم كوكبه من اصحاب الاراء المختلفه وكل واحد مقتنع بأفكاره ولازم الكل يوافقه عليها والا سيكون خائن وعشان كده عملت قانون يمشى على الكل لازم حريه الرأى والكلمه بكل ادب واحترام دون اساءه واحترام اراااء الاخرين ومن لا يلتزم يطبق عليه العقاب المناسب ما هى وعودك للثوار .. وما هى مطالبك ؟! بقول ليهم انا فهمتكم كل واحد يرجع لقسمه وطلباتكم ستنفذ بس شويه شويه واللى فى الصالح هنعمله والعنف مش هيجيب نتيجه ممكن يودى على المنفى  وفى النهايه جزيل الشكر لسيادة الرئيس .. الشكر ليكى ام حفيظة المنسقه الاعلاميه للنظام وانا عارف دورك القيادى لاظهار الحقائق والبحث فيما وراء الاحداث وتبيان الحقائق المخفيه عن كافة الاعضاااء وبطلب منك تركيز الضوء والبحث وتقصى الحقائق لبعض الاعضاااء اللى صوتهم عالى هنا  شكرا سياده الرئيس .. ونترك للجماهير التعليق .. دمتم بود .. كانت معكم : ام حفيظة .. قناة الحصيره
__________________
رمضان كريم |
| العلامات المرجعية |
«
الموضوع السابق
|
الموضوع التالي
»
العرض الشجري
|
|
جميع الأوقات بتوقيت GMT +2. الساعة الآن 05:17 AM.
