لو حبيت تكون وزاره من اعضاءالثانوية تختار مين ومين لوزارات ايه؟؟؟؟

[وردة امل]

حلاوة يا جدعان عشت وشفت نفسى ما بين التشكيلات الوزارية
وبما انى الوزيرة الصح فى المكان الصح
واننا همسك الاعلام
مع ان وازرة الاعلام اتلغت
بس عادى ميضرش

احنا محتاجين لمزيد من الوعى الثقافى والسياسى
محتاجين كمان وعى اجتماعى ..
الاعلام دوره جه دلوقتى
يعنى مش وقته الشيف حسن .. مش وقته صحتك فى الطبق ده
المهم دولقتى
وعى ثقافى اجتماعى وسياسى كمان
الانسان البسيط دلوقتى ممكن اى حد يشترى صوته
وهو فى مخيلته ان الراجل ده بيساعده وساعتها هنرجع تانى
للتزوير فى الانتخابات ..
.
.
كمان محتاجين حملات توعيه تنزل الى القرى ..
تعلم النــاس ازاى يتعاملوا صح
وازاى مفهوم الوعى والديمقراطيه السياسيه
ازاى نتعامل بشكل افضل فى حياتنا الاجتماعيه
والاهم طبعا القضـاء على محو والاميه ..
احنا عندنا شباب زى ما شفنا فى الثوره
عندهم القدره على قيادة 10 بلاد فى بعض
عندهم قدرات وطاقات غير مستغله
المفروض اانا نحمل بيهم حملات
للقضـــاء على الاميه ..
هى دى الخطوه الاولى
ساعتها هتلاقى عندك حلول
للقضاء لى الزياده السكانيه المفطره
هيكون عندك الحلول للبطـاله
هيكون عندك الحلول للقضـاء على كافة مشكلات الشباب
.
.
الشباب هما عماد البلد دى
الاهتمام بيهم واعطائهم الفرصه
هيجعلوا لهم القدره على الابداع والابتكـار
.
.
والاهتمام بقا بالتعليم الاساسى
الاهتمام بالنشئ من ناحية التربيه الدينيه
لان النشـئ هم مستقبل البلد ..
زى فريق الكوره
لما يكون كويس هتلاقيه الناشئين كويسين برده
.
.
دى يمكن الخطوات الاولى
لاعادة هيكلة الدوله
الوعـــى الاجتماعى والسياسى وقبليهم الدينى
هيتيح ليك عقول تقدر تتكلم معاها
عقول متفتحه لهم القدره على ابتكار الافكار والايمان بيها

واخيرا طبعا واهم حاجة
اشوف نفسى انا بئا شوية انا عمالة ارتب فى حاجات
واعمل حاجات كويسة
ومش اخدت حاجة وده كده ظلم وظلم كبير كمان
كل اراضى الدولة هكتبها بأسمى وياللا انشا محد حوش
وكده اكون ضمنت مستقبل باهر لمصر وانا اهرب بعدها
وكل سنة وانتم طيبين
واشوفكم فى التشكيل الوزارى الجديد