مظاهرة بمعهد فتيات المدينة المنورة بدمياط الجديدة

[يمنى العجمي]

بسم الله الرحمن الرحيم

يا جماعة والله احنا اضطرينا نقوم بمظاهرة بالمعهد لأن الحكاية كده لا يمكن السكوت عليها بسبب إن الوقت خلاص مبقاش بتاعنا وفي نفس الوقت مش راضيين يخففوا المناهج وزي ما انتم عارفين اللي احنا مش زي الإعداد ىوالثانوي العامين في المواد لأن احنا بالإضافة للمواد العامة بندرس المواد الشرعية ودا نفسه بيضغط علينا جامد وعلشان كدة لازم حد يبصلنا ويراجع الأمور بتاعتنا يا جماعة والله احنا كدة هننظلم

الأمر الثاني

الحكاية من زمان وبتتعمل فينا احنا البنات
إزاي أزاكر أنا طول السنة وأجيب أكتر من الولد في النسبة المئوية وبعدين يدخل هو الكلية اللي أنا المفروض أدخلها وأنا اتحول لكلية ثانية
على سبيل المثال
ازاي الطب ياخد الطلاب على مكيالين واحد للأولاد وواحد للبنات
الأولاد تنسيقهم أقل مننا يعني لو الواحد جاب 95% يدخل طب والبنت لو جابت 97% ما ينفعش أصلها مجبتش الدرجة المطلوبة وهي 98% ودا طبعاً ظلم بين
مش كفاية بنتحمل فوق طاقتنا

الأمر الثالث

بالنسبة للدارس الإعدادي الترمين على بعض ودا ظلم طبعاً عايزين نتساوى بالتعليم الحكومي ولازم يكون في هناك نص سنة علشان كدة دا إرهاق علينا والله أما بالنسبة للامتحانات فحدث ولا حرج فالامتحانات بدون راحات والامتحانات كل يوم بدون راحة وممكن توصل لامتحانين في اليوم الواحد وطلبنا إن يكون هناك امتحان بنظام يوم ويوم وتكون مادة واحدة فطبعاً كان الرد بالرفض على أساس إن الأزهر مش زي المدارس الحكومية وكانت الإجابة كانت

"نجيب وقت منين للامتحانات بتاعتكم"

وهناك من المطالب الكثير ولكن تم ذكر هذه المطالب للأهمية القصوى

ودلوقتي يا جماعة لازم نكتب المطالب بتاعتنا للأزهر وكلنا مع بعض أنا مش بقول نطلع بمظاهرات ولكن نكون كلنا يد واحدة في هذه المطالب لأن لما نكون 1000 مش زي لما نكون 100
انصرووووووونننننننناااااااا