برقية عزاء للأهلاوية

[bebo_93]

انا هتكلم فى نقطتين

اولا فى حاجه اسمها المتهم برىء حتى تثبت ادانته والعيب فى الشخص نفسه مش فى النادى وانا كأهلاوى بعشق وبحب الكيان مش الاشخاص ومتهيألى ده اللى قالوه كل جماهير الالتراس الاهلاوى فى فى الماتش القبل الاخير
-----------------------------------------------------------
ثانيا بقى وده الاهم

لحد امتى هنفضل اعداء ونشتم ونشمت فى بعض لو الكلام ده بعد الثوره يبقى ايه اللى غيرته الثوره كده نتيجه الثوره صفر

مدام احنا لسه زى ما احنا متغيرناش

انا بعترف ان التراس الاهلى غلطانين انهم شتموا الزمالك وبردو التراس وايت نايتس شتم الاهى فى ماتش ستارز

طب وبعدين لما نفضل نشتم فى بعض وبنكره بعض كده ازاى هنبنى ونطور مصر

مش ده يا زملكاوى اخوك الاهلاوى اللى لما اتصاب فى المظاهره خدته بعيد واسعفته ومش ده يا اهلاوى اخوك الزملكاوى اللى كنت بتحميه من بطلجيه الحزب الوطنى


واخيرا عندى اقتراح صغير اننا نبدأ بنفسنا هنا كأهلاويه وزملكاويه فى المنتدى الجميل ده وندمج قسم الاهلى والزمالك مع بعض فى قسم واحد ونكون هنا اسره واحد نكون مصريين ننزل اخبار الاهلى واخبار الزمالك مع بعض لو اخبار حلوه نهنى بعضنا اخبار وحشه نواسى بعضنا ونقف جنب بعض ونبقى ايد واحده نبدأ من هنا من المنتدى ده ونبقى قسم واحد قسم الاهلى والزمالك

اهلى + زمالك = مصر

اسف على الاطاله