عايزين نلغي الترم التاني

[MeMo Troy]

المشاركة الأصلية كتبت بواسطة أحـمد قرنى

أستاذ memo واستاذ عطا

ياريت حضراتكم تبطلوا كلام فى هذا الموضوع ، وهل حضراتكم مدرسين أم أولياء أمور .

كما ذكرت سابقاً من المستحيل إلغاء الترم بأى حال من الاحوال للأسباب التالية وأى سبب فبهم كافى :
1- بدء الدراسة فى أكثر من نصف محافظات مصر .
2- الغاء الترم الثانى واعتماد نتيجة الترم الاول غير قانونى وسيسبب ثورة لأولياء الامور ، لأن الطالب اللى كان حاصل على درجة سيئة فى أحد المواد ( يعنى راسب فى المادة ) كان معتمداً على الترم الثانى لتعويض ذلك .
فباتالى غير قانونى أن يرسب فى المادة على نتيجة الترم الاول .
3- المفروض أن العملية التعليمية حلقة متواصلة وسلسلة متصلة ، فمن البديهى عدم التضحية بترم كامل وفقد حلقة تعليمية فى المنتصف لأن بعض المواد بتكون مترتبة على بعض . فكيف يتم إلغاء فصل دراسى كامل .

أرجو إنهاء الكلام فى هذا الموضوع ، لأنه يستحيل تحقيقه ، ونتكلم فى حاجة مفيدة

أولاً انا طالب و مش طالب فاشل بالعكس مستوايا الدراسي كويس و مش بقول كده عشان اعد في البيت
ثانياً حضرتك مشوفتش اللي بيحصل في بورسعيد لو انت عندك بنت و البلد بتولع هتنزلها ؟؟؟
ثالثاً احنا عندنا المعدية كل شوية تقف بسبب البلطجية ايه الناس هتاخدها عوم عشان تروح المدارس
رابعاً حضرتك مركز معانا اوي و عمال تواجهنا و مش هامك الاطفال ممكن يحصلهم ايه
بعدين حضرتك بتقول المنهج مترتب علي بعضه أنا معاك بس من كتر المنهج ما هو تقيل الطالب بينزل كل اللي في دماغة في ورقة الامتحان و ينسي بعد كده هو أأخد ايه و ده لفساد التعليم المصري ( مش قضيتنا ) دي مشكله تانيه
مش هنفتح فيها لأن الواحد لو فضل يتكلم عن الفساد مش هنخلص
و انا ملاحظ انك مش همك ولاد الناس و اللي في دماغك بس ان مش هيبقي فيه دروس
حضرتك لو مش خايف علينا أحنا بنخاف علي نفسنا