رأى الشيخ الشعراوى فى الثورة

[Mr. Ali 1]

رحم الله الشيخ الجليل وأسكنه فسيح جناته ونفع المسلمين بعلمه .
هذا ما قاله شيخي الذي أعشقه في الله
( وقد يثور المدنيون علشان ينهوا فساد , هم يرون أنه فساد . ولازم يكون فساد ملحوظ . امال حيؤيدوا ازاي ؟! امال الناس حتصقف لهم ازاي ؟!
ما هو أول ما تشوف ثورة كده , تلتفت تلاقي ناس حتصقف ليها . يصقف لها مين بقي ؟! المطحونين بالفساد !!
بس آفة الثائر من البشر شيء واحد . أن الثائر يظل ثائراً !! أدي الآفة . عايز كل يوم يعمل دوشة !!
ولكن الثائر الحق هو الذي يثور ليهدم الفساد , ثم يهدأ ليبني الأمجاد .
اهدي متكنش بقي الحكاية بتاعتك دي عاملها كده ومسلط السيف علي الكل !!
والثائر هو الذي ييجي علشان أهل الفساد اللي طغوا علي الناس ويرد مظالم الناس لهم , ثم لا يدع القوم الذين طُغي عليهم علي رجله ويرفس التانيين برجله !
لا .... حط الاتنين علي رجلك علشان تستقيم الأمور وتذهب الأحقاد , ويعلم الناس كلهم أنك ما جئت ضد طائفة , وانما أنت جئت ضد ظلم طائفة .
فإذا أخذت من الظالم وأعطيت للمظلوم , فاجعل الاثنين سواء أمام عينيك , ومن هنا يجيئ الهدوء .
يبقي الثائر الحق هو ايه ؟!!
هو الذي لا يظل ثائراً , وانما يثور ليهدم الفساد , ثم يهدأ ليبني الأمجاد .


شكراً جزيلاً علي هذه الهدية الغالية يا أستاذ محسن .