هم اللى عايزين المعلم يبقى بيومى أفندى

[إلهام صلاح لاشين]

قصيدة تضحك وتبكى يريدون أن يصبح المعلم مثل بيومى أفندى وعذرا لمن يحمل اسم بيومى

بيومى أفندى -شعر إلهام صلاح

بيومى أفندى أهو مات
واتأفلت الحسابات
ارتاح من بدرى بدرى
وأهو كل شى ءبيعدى
ويزول بعد التبات
كان نفسه ياخد علاوة
كانت ع الخد دمعة قدم طلبات بدمغة
والخط آخر حلاوة
وآهو زاد له جوز جنيهات
******************
يا أم العيال يا حياتى
طلبك أوام فى الحال
وعيالنا يلا هاتى
دى الأشية عال العال
إدونى جوز جنيهات!!!!!!!!!!!!!
******************
أم العيال :
يا حبيبى روح هات لك تمن لب
أنا نفسى تفوق تصحصح
مخك علشان تقب
مسعود أفندى عدى
شوف جاب إيه للبنات
ومراته الست عزة
عندها عربية تحفة
نسيت كل اللى فات
كانت بمشنة سارحة
وتخانق الستات
فاضل شلن وبريزة
ناولينى ومن سكات
بيومى أفندى بص
لمراته والانبساط
طار من الشباك وفط
شرب المر ف كاسات
*****************
بيومى أفندى تاه
مش لاقى طريق مظبط
ضرب الكف ف قفاه
خلاه ناعم مبطط
وأهو لما الموت دعاه
كان جاهز له مربط
والناس ماشية ف عزاه
بتقول دا شباب زغنطط
لو كان بيومى أفندى
زغطه غيره وزغط
كان عمره ف الانسجام
عايش مبسوط مزقطط
يا خسارة العمر فات
وبيومى أفندى مااااااااااااااااااات