هو احنا ليه كده بس يا جماعة

[thechampion]

انا طبعا يوميا بنزل مسجد القائد ابراهيم فى اسكندرية عندنا علشان اعرف ايه هى الاوضاع
بس للاسف اخر مرتين نزلت فيهم كان امبارح واول امبارح ندمت فيهم انى نزلت
شفت اللى عمرى ما كنت اتصور اشوفه
الانقسااااااااااااااااااااااااااااااام
اعوذ بالله من ده انقسام
كل واحد عمللى محلل سياسى وواخد حوالية اتنين تلاتة وعمال بيغسل فيهم وهما يغسلوا فيه
ومتعرفش ليه
هو برضه مش ده اللى عمل معاك الثورة وشلتوا بعض لما اتصبتوا وموتتوا ولا بيتهيالى
مثلا امبارح كنت رايح هناك اجتمع مع الدكتور محمد محى الدين مرشح الرئاسة
المهم لقيت بقى هناك انقسام فظيعحول التعديلات الدستورية
ناس بتقول نعم للتعديلات الدستورية
وناس بتقول لا للتعديلات الدستورية ودول هيمسكوا فى دول ومحدش بيسمع حد خالص
انا شخصيا ضد التعديلات الدستورية ولكن لازم احترم الراى الاخر
ازاى احنا شعب طلع وضحى بارواح شبابه علشان الديمقراطية ولما جت الديمقراطية بنحرمها على بعض ونخون بعض
عارفين بقى حسنى مبارك مش غلطان لما عمل كده وانفرد بالحكم لان بكل اسف فيه ناس مينفعش لهم ديمقراطية لانهم لو اتمكنوا من السلطة هيقتلوا باقى الشعب
دى حاجة
حاجة اخيرة بقى
مستمرون فى الثورة ان شاء الله وانا بارفض التعديلات الدستورية ولكن لو تم قبولها ساكون من المؤيدين لها علشان انا مع الاغلبية واتمنى كلنا نكون كده
اسف لو كنت طولت او ان الموضوع قد لايكون مفهوما بس انا عايز اقول ياريت نحترم الاراء ومنخونش بعض