لا والف لا . ياجماعة لازم نشوف ايه المزايا والعيوب
في ناس بتروج ان لازم نوافق علشان استقرار البلد والانتخابات تحصل بسرعة هما كده بيسرقوا البلد منا تاني
باختصار لازم يكون في قاعدة رئيسية تحكم اي رئيس ييجي مش نستني رئيس يجي يعدل علي مزاجه تاني لازم الدستور يتغير كله من كل الجوانب ويضمن وجود حياة محترمة لكل الناس في مصر ونبطل سلبية شوية بص لقدام ولولادك ما تبصش لنفسك دلوقتي .
خلوا بلكو في ناس بتعمل بلبلة في الافكار علشان تضيع الحياة اللي احنا بنحلم بيها ماتقولوليش ان ما حدش عارف ان في ناس كتير مش من مصلحتها تعديل الحياة في مصر ويبقي حياة عادلة . وعايز ادي مثال في ناس بتشتغل شغلنتين في اليوم علشان يقدروا بس يكفوا بيتهم وبيحاولو انهم يتحروا الحلال في حياتهم انا مش نفسي ابقي زي الناس دي مش قصدي علي الكسب الحلا ل بس قصدي اني مش عايز نبقي زي ........... في الساقيه عايشين بس علشان ندور علي لقمة العيش وننسي بيوتنا واولادنا وصلة الرحم وطبعا الصلاة هوا احنا عايشين بس علشان نشتغل وننسي ادوارنا الاساسية ؟ فياريت من كل واحد ما يخدش الموضوع باستخفاف لازم نتحمل المسؤولية ونعرف ان اللي جاي ده بسبب اختيارتنا ويارب نكون اد المسؤولية
|
17-03-2011, 02:05 PM
العرض الشجري
