كما وعدت .

[التوأمان]

طبعا كما وعدت اننى سانزل قصيده لحبيبتى مصر
معلش هى اتاخرت شويه بس انتوا اكيد فاهمين ظروف المذاكره
و هى جاهزه من كام يوم لكننى صممت ان انزلها فى يوم عيد الام احتفالا بامى مصر
و القصيده بعنوان

ثورة 25 يناير

قام الشعب بكل ولاده ** حالف لازم يبنى بلاده

يزرع زرعه لبكره تضلل ** بالحريه فوق احفاده

مش رح يياس مش رح يتعب ** قام بتحدى اليوم الاصعب

فاكرين لما قام فى اكتوبر ** جاب النصر و صمم يغلب

دى مش اول مره يجاهد ** دى مش اول مره يعاهد

قام بالثوره فى 19 ** مكرم بايع سعد القائد

يومها اتحدوا باعظم قوه ** و كت وحدتهم هى الاقوى

خلوا الغاضب جه و استسلم ** ساعة الشده بتيجى الصحوه

هو المصرى اليوم و امبارح ** عزمه شديد و بقوه يكافح

قبطى و مسلم نفس السكه ** سكة مصر الام الغاليه

فاطمه و مريم ،مرقس و احمد ** ايدهم تبنى ايامنا الجايه

بكره تشوفوا ايه رح نعمل ** بكرا الدنيا تشوف و تسجل

قام المارد قام و اتحرك ** عينه بصه على المستقبل

حقق طلبه و حقق هدفه ** و خلى الظلم ملهوش مكان

ممكن يسكت ممكن يهدى ** بس بيصحى يرجع حقه فى اى زمان

هو المصرى انسان عصرى ** رفع الرايه فى كل مكان

اصل شبابنا هما سلاحنا ** فى اى مكان و فى اى زمان



معلش هى قصيده فى السريع كده لانى بجد مشغوله و انتوا اكيد هتقدورا