كلمة حق عن الدكتور محمد البرادعي ..

[~: Zac :~]

السلام عليكم ورحمة الله وبركاته

اخيـــــــــرا الحمدللــــــــــه بدأنا عصـــــــر جديـــــــــد

ممكن نكون لسه ماعملناش تغيير شامل .. لكن فعلا بدأنا عصر جديد ..

عصر الديموقراطية وحرية الرأي ... وما شاء الله الشعب كله بقى بيتابع التحركات السياسية والاقتصادية وكل احوال البلد وبقى بيفكر ويخطط للي جاي كمان .. وبقينا بنفكر ف كل الناس ونحكم عليهم ...

جميل كويس جدا ودا اللي احنا عاوزينه ... بس المهم ..... ازاااااااااااااااي !!!؟؟؟

انا مش هتكلم بالتفصيل عن ازاي نبني الاراء السياسية بصفة عامة ..

بس باختصــــــار ... الرأي بصفة عـــــــامــــــة لازم يكون مبني على الحقائق والأدلة .. مش الشك والتخمين والاشاعات والفقاقة ..

احنا بطبعنا شعب عاطفي جدا وساذج جدا .. بنصدق بسرعة اي حاجة نحس فيها مؤامرة وفيلم سسبنس وشايفة الاكشن يا شروق ...

بس احنا عملنـــــــا ثورة عشان نبدأ عصر جديد ... وعشان دا يحصل لازم نبدا بنفسنا ويبقالنا فكر جديد ...

ماحدش يحاول يقنع نفسه ان شعب مصر ملايكة كلنا عارفين البلاوي اللي كانت فينا ... ومحدش يعمل نفسه حالة استثنائية ..

وماننكرش اننا اكتر شعب بيطلع اشاعات ويصدقها


..... اعذروني ع المقدمة الطويلة بس كان لازم توضيح ... وانا موضوعي دا عن الاشاعات اللي اتوجهت لتشويه صورة الدكتور البرادعي ..


وفي الديموقراطية تختلف الاراء مابين مؤيد ومعارض ولكل واحد اسبابه ..

بس مش شرط اللي نأيده يبقى عسل.. واللي نعارضه يبقى بصل ونفضل نطلع عليه اشاعات كلام لحد م كل الناس يكرهوه !!!

ومش اي حد نسمع عنه كلام مش كويس يبقى نعارضه بسهولة قبل مانتاكد من الكلام دا !!

دلوقتي طلع شوية كلام عن الدكتور البرادعي .. منه :

عميل لامريكا وصديق لاسرائيل ..
سبب دخول امريكا العراق ..
مزوج بنته لمسيحي ..
مايعرفش حاجة عن مصر وعن شعب مصر ..
معاه جنسية تانية وطول عمره برة ..
كان فين قبل الثورة .. معملش حاجة ..



وكلام كتير من دا بصراحة ف الاول كنت متدايق جدا وبقول على دا جهل ..

بس بصراحة بعد تفكير .. لقيت انه عادي بعد الكبت اللي كنا فيه اسلوب الاعلام المصري طول سنين ..

والصورة المشوهة اللي نقلوها لينا عن الاخوان المسلمين وعن ناس كتير محترمين ..

فطبيعي كان يحصل دا واكتر للدكتور البرادعي .. وكان طبعي الناس تصدق كالعادة ..

فانا هعمل اللي عليا واحاول اوعي الناس .. وربنا يهدينا كلنا للصح ..

...............

وانا مش هكتب عشان رأيي ممكن مايتصدقش .. بس ايه رأيكم نشوف صور لحقائق واخبار من موقع كبير محايد !!؟؟

بالنسبة للحقائق ..
اولا باعترافه بان زوج بنته اسلم قبل ازواج والزواج كان على سنة الله ورسوله وفي السفارة المصرية في فيينا و السفير المصري شهد على الزواج ..

وباعترافه بردو ان المادة التانية للدستور ( اللي ماسكها بعض الناس حجة ضده ) مش هاتتغير ..

وبكلام ان زوجته مش مصرية لا هيا عايدة الكاشف ومصرية .. وبكلام انه معاه جنسية تانية .. فابعترافه هوا معاهوش اي جنسية تانية غيرة المصرية ..

والبرادعي بعودته لمصر كان عامل رئيسي للثورة ... فهوا بمطالبته بتغيير الدستور ومنافسته على الرئاسة جعل للشباب امل في الحصول على حياة ديموقراطية كريمة وتغيير شامل للاوضاع في مصر ونهاية للنظام الفاسد .. والتفو حوله قبل الثورة يؤيدوه وجمع البرادعي اكثر من مليون توقيع للتغيير من الشباب ..

دي كلمة الدكتور البردعي في مجلس الامن عن الملف النووي العراقي ..


ودا فيديو فيه ردود على اتهامات ليه ..


ودا كمان فيديو فيه ردود على اتهامات ليه ..


ودي مشوار حياته في موقع ويكيبيديا ( موقع محايد )
http://ar.wikipedia.org/wiki/%D9%85%...AF%D8%B9%D9%8A



وجميع رموز مصر من المثقفين والسياسيين يعرفون جيدا من هو البرادعي وجميعهم يكنون له كل احترام حتى المعارضين له ...


وهوا دا المطلوب .. تأيد او تعارض .. المهم بلاش نستخدم اساليب رخيصة وترويج اشاعات او ع الاقل نساعد على دا .. ندي كل واحد حقه ونقول كلمة حق ف اي حد حتى لو عدونا ... ما بالكم برمز مشرف لمصر زي دكتور محمد البرادعي ؟؟؟؟؟


ياريت بالله عليكم نفكر كويس بعد كده قبل اي كلام نقوله ... واي حد معارض لكلامي دا بارجوه انه ياخد وقته ويفكر قبل مايدخل في جدال وخناقة ماتثمرش باي فائدة ... لو حد عاوز يتناقش اهلا وسهلا بس ياريت تكون مناقشة بناءة عشان نوصل بيها للحقائق ويكون الكلام موضوعي ويعتمد ع ادلة مش تخمين او اشاعات او عاطفة ...


اسف اني طولت عليكم ... فوتكم بعافية