تعيينات ادارة شرق طنطا لا تعترف بالتعيين وترفض استلام اقرارت القيام بالعمل

[شيرين عجوه]

ذهبت اليوم لتعيينات ادارة شرق طنطا التعليمية ورفضت الاستاذه الطاف استلام اقرارات القيام بالعمل وقالت انتوا لسه ماتعينتوش استنو التنظيم والاداره ومع اني قدمتلها صورة القرار لكنها رفضت وذهبت لمكتب وكيل الوزاره قلتله زوجي يعمل بادارة غرب طنطا وسلموا اقرارات القيام بالعمل للتعيينات وعملو البدل النقدي بتاع الكادر اتصل من مكتبه بمدير عام ادارة شرق طنطا اللي استغرب اللي بيحصل وطلب اني اروح الاداره وقابله ولما وصلت الاداره اللي جنب مدرسة حسني مبارك قالي ايه اللي وداكي لوكيل الوزاره انت كان لازم تجيلي قلتله اللي حصل قالي دول ناس مش عارفين حاجه انتو اتعينتو وقالي باللفظ حطي صوبعك في عين التخين وخلي اقرار القيام بالعمل معاكي وهموا اللي هيطلبوه أما البدل النقدي فخلي المدرسة تعمله وتسلمه للموظفه وخليها ماتستلمهوش وطبعا طلعت تاني على الاداره الماليه في توت عنخ امون وقلتلها اللي حصل رفضت وقالت هاتيلي جواب من تعيينات المديريه وطبعا رحت المديريه للتعيينات اللي قالولي دول ناس مش فاهمين شغلهم واتصل بالاداره وبلغ السكرتيره تبلغ تعيينات الاداره بأخذ اقرارت العمل وصرف البدل وطبعا انا بصراحه مارجعتش الاداره لاني تعبت أخذت من زوجي تفريدة الزياده(76) على الاساسي بتاع السنه اللي فاتت مش السنه ديه يعني نفس الخمسين في الميه اللي قبل كده وهخلي الموظف يعملي شهر 3.4 وأروح اسلمه يوم الاحد ولو رفضت تستلمه هروح لمدير الاداره تاني
أنا اسفه على الاطاله بس والله ده حصل الموظفه مش عايزه تشتغل دابتقولي انا لسه هعمل كشوف شهرين انا ماليش دعوه حسبي الله ونعم الوكيل فيهم كلهم ارجو الكل يعمل البدل ونتقابل يوم الاحد الساعه في الاداره الماليه وشكرا