|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
07-12-2007, 10:32 PM
|
||||
|
||||
يا ترى احنا عايشين فى عالم سمسم :.:.:.
السلام عليكم
يمكن يكون الكلام الي هقوله غريب شويه بس لازم اقوله لما الاقي نفسي غريب وسط ناسي يبقى لازم اقوله، مش عارف في ايه ومش عارف ايه الي حصل بس واضح ان في حاجه غلط !!انا صحيت من النوم لقيت نفسي عايش في عالم غير العالم، في دنيا غير الدنيا عالم مختلف تمام عن العالم الي انا منه!! مثلا عندنا لما تقول لواحد هنتقابل الساعه 6 تبقى 9 مش 6 وممكن توصل ل12 كمان ويتصل في الاخر يقلك معلش اصل مش عارف ايه حصل فين ايه رايك نأجلها لبكره!! لا لزيز فعلا نأجلها خالص... عندنا لما تقول رايح حفله يبقى البدله هيا الشياكه وهيا الوجاهه دلوقتي لو رحت حفله ببدله يبقى ايه يا عم الخنقه دي ما تفك كده خلي ربنا يفكها عليك  حتى الرجوله اصبح ليها معاني مختلفة مع اني مكنتش اظن ان دي ممكن تختلف في اي مكان او زمان!! معلش اعزروني العالم الي انا منه كان فيه الرجوله اني اطنش ميت بنت عشان راجل مش اي راجل لا راجل بجد ومحتاجني. دلوقتي الرجولة انك تبيع 900 راجل عشان بنت وممكن في الاخر تبيعك!! مش مشكله المهم انك طلعت راجل قدامها وبعت عشانها اكبر عدد من الرجاله... العالم زماااااااااااان كان قمه الرجوله انك لو تعرف بنت تحافظ عليها وتحميها اما دلوقتي فالرجوله اصبح ليها مبادئ مختلفه!! انا سمعت بنت بالصدفه بتقول لصاحبتها (( مش عارفه شكله مش راجل تصوري بقلنا تلات شهور نعرف بعض ولحد دلوقتي ما بسنيش ولا بوسه )) ههه تلات شهور!! لااااا كتير فعلا كان لازم يعمل كده من اول يوم!! شيء يحزن حتى مبادئ الرجوله اختلفت في العالم ده، لا ويلي زاد وغطى انه اصبح انك تستأمن واحد على حاجه من رابع المستحيلات!! تقول اخويا تقول حبيبي تقول واكلين عيش وملح ملوش دعوه بقى زمن متستأمنش فيه الواحد على قلم مش على حاجه ليك او حتى لحد من قرايبك!! والغريب اني لما بقول لواحد الكلام ده واجهني باستنكار شديد ولقيته بيقلي (ايه يا عم عالم سمسم الي انت عايش فيه ده العالم!! ده عدى خلاص وراح!! انت نسيت تركب القطر والا ايه ؟) ههه فعلا شكلي كده... العالم زمااااااااان كان قمة المتعه انك تسمع اغنيه كلاسيكيه او رومانسية دلوقتي الموضوع مختلف رومانسيه ايه ياعم بقينا في عصر الميتل وجاي تقلي رومانسية... ده حتى في الزوق!! حتى الزوق كمان اختلف، كان عندنا قمة الزوق انك تلبس لبس مكوي الوانه متناسقه وشكله رائع اما دلوقتي ازا ما لبستش الوان ملهاش علاقة ببعض ومنطلون شكلوا ملبوس من 6 سنين فاتو ودايب وحالته بالبلا ما تبقاش كول وتبقى انسان معقد لا بتفهم في الموضه ولا بتفهم في الزوق... لا والغريب اني لقيت حاجه صدمتني عندنا الصايع او المنحرف بيبقى عارف انه بيعمل حاجه غلط فتلاقيه مكسوف ومتداري مش مبسوط وبيتفاخر بالموضوع ومعلقها بادج على عربيته من ورى وبقى الصايع هو الكويس اما المحترم ده انسان خنقه غلس ابعد عنه ومن الاخر ملكش دعوه بيه...  اخر حاجه فوجئت بشيء غريب جدا!! فوجئت بانك تبقى ملتزم ومحترم ولا بتشرب ولا بتاع بنات، دي تبقى قمة الغرابة وتلاقيهم عمالين يقولو مالو ده انت شاب يبقى لازم تشرب لازم تبقى بتاع بنات لازم تعيش حياتك لكده لتبقى انسان غريب ومعقد ومتخلف... هو العالم زمان كان خنقه و ما كانش عالم و لا احنا اللى عايشين فى عالم سمسم كله هبل و شغل اطفال __________________ كان معكم mido من عالم سمسم !!
__________________
 Curva Sud La Prima
|
| العلامات المرجعية |
«
الموضوع السابق
|
الموضوع التالي
»
العرض الشجري
|
|
جميع الأوقات بتوقيت GMT +2. الساعة الآن 01:31 AM.
