هوه مين اللى خرب الاستاد وسوء سمعتنا فى ماتش الافريقى -من ارهاصاتى

[T!to]

تكاثرت الاقاويل عقب مباراة الزمالك ولافريقى من المرتكب لهذه المهزلة والدلائل هنا ظنية وليست قطعية .القطعية فى التحقيق بالطبع .
ومنها........
عقب المباراة بربع ساعة ظهرت شائعة بين الناس ان هناك قلة مندسة هى التى فعلت ذلك .
على اساس ان جماهير الزمالك ملايكة ومش ممكن يعملوا كده
واللى اصدر الاشاعة ده مش يستنى شوية عرف فى ساعتها انها قلة وثورة مضادة .
يا أخ نظام الحساسية بين المشجعين المصريين و التوانسة كبيرة ودي مش أول مرة يحصل شغب
وآخر مباراة بين الأهلي و الترجي وضرب مشجعي الترجي لرجال الأمن المصريين في الذاكرة
النتيجة مش في صالح الزمالك و الزمن انتهى و المباراة في الزمن المضاف بدل ضايع
الحكم نقض هدف للزمالك و صرف ضربة جزاء واضحة
تصرف جمهور الزمالك طبيعي
حديثك عن مؤامرة وثورة مضادة غريب جدا
ماذا يستفيد انصار مبارك من افساد المباراة
هل جمهور الزمالك هم شباب 25 و ميدان التحرير ؟
نيجى بقى للتواو ....... ابراهيم حسن .
ظهر بعد الماتش بربع ساعة على المحور رئيس القسم الرياضى فى اليوم السابع بيتهم ان ابراهيم هوه اللى حرض الجمهور على النزول .
فاجاة ابراهيم يدخل على الخط .
المذيعة:الو ......الو الكابتن ابراهيم حسن معانا على الخط
هيما: الو مع حضرتك
المذيعة:ايه راى حضرتك فى الاتهام ده يا كابتن
هيماعمل فيها مضايق ) ....... الراجل اللى قال كده مابيفهمش حرام عليكوا اعلام مضلل
وهاتك شتيمة وقلة ادب فى الراجل .
المذيعة:لا ياكابتن مش هنسمح بتجاوز بعد اذنك (قالتله كده بعد ربع ساعة شتايم) وبعد كده طلبت من صاحب الاتهام الدخول.
صاحب الاتهام :بص يا كابتن انا مش هرد عليك باسلوبك
بس انا مسجل المكالمة.
المذيعة:ياريت بعد اذنك تسمعهناوالكايتن ابراهيم موجود على الخط.
اول ما الراجل شغل التسجيل الخط قطع بتاع الكابتن ابراهيم
وانا عارف ليه طبعا(عشان الكهربا قطعت عنده)
هحكى لى حضراتكم موقف حصل فى الماتش من شهود عيان
انا كنت معزوم مع اصحابى على الماتش بس لظروف مش روحت والحمد لله طبعا
الموقف حكاه اصدقائى وفيهم زملكاوية واهلاوية
قالولى لما الناس نزلت الملعب والدنيا بقت هرج ومرج
جماهير نادى الزمالك (الصفوة) بقوا بيعتدوا على البنات المشجعات من النادى نفسه وبيقول بقينا نبعدهم احنا.
والاهلوية قالولى ان فيه ناس كتير جدا من الجمهور وخاصة الالتراس نزل الملعب مع الهيصة.
ومنهم اللى كان نازل زى ابو دلابية .
واحد منهم قاللى حط الكلمة ده حلقة فى ودنك (وانا حطيتها ومش رضيت اشيلها)

..........
تعالى نتفرج على بعض الفيديوهات من صفوة جماهير نادى الزمالك
اتفرج يا عم على الصفوة
http://100fm6.com/vb/showthread.php?t=203297
اتفضل

كفاية كده
الفيديوهين دول لهم مدلول شخصى عندى انا
وايامها بقى ولاثورة مضادة ولا مطروحة .
اتفرج بقى على الفديو ده كمان .

ايه الفرق بقىىىىىىىىىىىىىىىىىى
بين الفديوهات اللى هيقول
هياخد الجلابية بتاعت ابو جلابية
انتوا عارفين ايه الغريب ان الجماهير نزلت تضرب فى بعض لاعبى الزمالك زى احمد جعفر .
اكيد مبارك كان زعلان منه وبتوع الثورة المضادة كانوا زعلانين برضه.
اسمع بقى كلام الناس الى فهمت اللعبة

الزملكاوى اهوه
مش لاقى حاجة تانى اقولها

اخيرا انا لى تعليق بسيط جدا
ناس كتير كتير كتير اووووى ومواقع كتير جدا وتصريحات اكتر واكتر منها تصريحات - إئتلاف شباب الثورة -
وموقع الدستور و و و إلخ
قالوا: ان الثورة المضاده وراء ماحدث فى مباراة الزمالك والأفريقى التونسى!

لو هنتكلم بمبدأ الأحزاب بتوع اليومين دول ولو هنتكلم بالإسلوب السياسى الدبلوماسى البحت ،،
يبقى المُرتكب الأصلى واحد من الأربعه دول:
أولهم: أمن الدولة
ثانيهم:بقايا النظام السابق
ثالثهم: الحزب الوطنى
رابعهم: فلول النظام
ودول دايماً بيبقوا الشماعه..
اه الشماعه !! مستغرب ليه؟!!

ما أصل كل بلوى حصلت وبتحصل وهتحصل هيبقى وراهم واحد من الأربعه اللى فاتوا دول

يعنى لما موظف يتظاهر عشان حقة فى الترقيات يبقى فِل من الفلول ، ولما واحد مشجع غبى ينط عشان يضرب لاعب كورة فى الملعب يبقى برضوا
فِل من الفلول ، ولما واحد يطلق مراته ، بالتاكيد هيبقى وراه احد الفلول كالعاده !

لكن الشعب.. 100 100 وفلة شمعه منوره
ملاك، متعلم ، لا يخطىء، أسطورى ، حضارى ، راقى ،عايش فى المدينة الفاضلة !!
والغلط لازم وحتماً يبقى من الخارج مش من الداخل..
هيهــــــــــــــــــــــــــــــــــــات

اما لو هنتكلم بالأسلوب المصرى الصريح اللى بيجيب من الأخر واللى بيقول دايما اللى فى قلبة وعلى لسانه يبقى،،
السبب فى الموضوع ده هو :
الشعب نفسه ، وإن كان كلامى قاصراً على الطائفة اللى جابتلنا العار فى الماتش ده وجاب العار لمصر كلها ، سيبك بقى من أهلى ولا زمالك.. العار هيلحقنا كلنا مش هيفرق مابين انديه !

للأسف أغلب الشعب المصرى لا يستطيع التفريق
مابين الفوضى والحرية؟
مابين البلطجه والديمقراطيه؟
مابين الخوف؟والإحترام؟
ما بين و مابين و مابين.. إلخ

واللى حصل كان خير شاهد على الكلام ده..
مقدروش يفرقوا مابين جمهور حضارى وشعب المفروض يكون أكثر واقعية ومابين جمهور مش لاقى اللى يديلة بالجـ***
وهو ده اللى أقصده بالظبط !!
لو هنفترض إن الأمن كعادتة - كان مُقصر - فده مش تبرير إن الألاف تنزل الملعب حتى ولو بهدف ساذج
- نازل يتفسح ع النجيله يعنى -
المهم انه كان من ضمن الهمج اللى أعتدوا على الملعب !

الفئة الغير محترمه من الشعب المصرى اللى كان ليها مثال فى الماتش تحتاج
إلى عميلة إستبدال عقول ، إستبدال ثقافات ، إستبدال أساليب ... إلخ
حتى يرتقى لمعنى الحرية والديمقراطية..
وعشان ده يحصل لازم نصارح نفسنا بالحقيقة اللى مش عاوزين نشوفها
ونصدق الواقع اللى دايماً نكدبة !
شعب مصر متحضر اه ، محترم أه ، متربى وابن ناس اه ،
واعى ومتعلم أه ، كله ؟؟ لأ لألألألألألألأ
فى أكتر من 50% من المصريين جهله !!
والجاهل مش جاهل قراية وكتابة ولكن الجاهل , جاهل ثقافة وحضاره وأخلاق وتربيه !
اما لو هنقعد نمشى ورا كلام الأحزاب والجرايد المعارضة وإئتلاف الشباب
اللى بيقولوا رأيهم من زاوية واحده بس
- الإنترنت -
وهننسى ونتناسىَ او هنكدب على نفسنا ونقعد نعلق أخطائنا كشعب, على شماعات أخرى
يبقى شكراً... مصر على حافة الهاوية !!

لازم نعترف بالقصور العقلى اللى عند أغلب فئات الشعب.. عشان نعرف نعالجه ازاى!!

لازم نغير نفسنا فيه اولويات قبل الكورة مش نتجمع بلشهادة ونتفرق بكورة
by:taher ahmed