متخفوووووووووش انا راجع!!

[حياتى وقف لله]

متخفوووووووش

انا هرجعله قريب...

انا قلبى نضيف هرجع متقلقوش...

انا مش وحش كده ...

دا انا احسن من غيرى ..

رااااااااااااااااااااااااجع !!!

راجع لربنا امتى ؟؟؟؟؟؟؟؟

دا كلام كتيييير من الشباب الا ما رحم ربى

تجده يسمع الاغانى ويشرب السجائر

ويكلم بنات

يتفرج على فضائيات واباحيات

وبعد كل ده بيقول هرجع ...هترجع امتى؟؟؟

بتسوف كتييير وتقول..

دى فترة طيش شباب !!

ياما شباب ماتت فى سنك افرض ملحقتش ومت فى فترة الطيش دى؟؟؟

اصل انا مش مريض!!

مش بالضرورة تكون مريض عشان تموت ياما شباب ماتت من غير مرض..واللى مات وهو راجع من جمعته ..واللى ماتت فى حادثة ..واللى اتوبيس خبطته وهو على الرصيف!!

اصلى هخنق نفسى من دلوقتى؟؟!!

من اللى قالك ان طريق ربنا خنقه ؟؟ انت جربته عشان تحكم ؟؟ طب جرب الاول

جرب الانس به ..جرب تشكيله ذنبك..جرب تقوله بحبك ..وهتعرف الخنقه فين!!

هترجع امتى ؟؟

ياما ناس قالت هرجع وملحقتش ..

ياما ناس كان نفسها ترجع على رجلها ورجعت على ظهرها..

ياما ناس كانت متخيلة انها هتعيش لغاية لما ترجع ومعشتش..

كان فى قصة شاب حكاها احد الشيوخ ..

ان شاب كان قاعد مع اصحابه يشربوا ما حرمه الله

شعر بدوخه فقرر انه يسبهم ويرجع بيته

وهو راجع اتقلبت العربيه بيه!!!!!!!!!!!!!

يمكن كان نفسه يرجع !! الله اعلم

ماااااااااااااات على شرب ومعصيه

غفر الله لنا وله والله اعلم بحاله

هترجع امتى ؟؟؟

محدش عارف يمكن تكون الليلة دى اول ليلة لك فى القبر ..تحب دخل القبر وانت على اى حال؟؟؟

باب ربنا مفتوح ..لا يُغلق ابدا