علشان تكون (دحاح,حرات,موس) مذاكرة

[Asa7be Wawa]

المشاركة الأصلية كتبت بواسطة ranmory

مرسى كتير على كلامكم بجد قوانى
بالنسبه للدروس هاحاول اخد ف كله بس خايفه وقتى يضيع
مسيو احمد قصدى ان كل شويه افكر هاعمل ايه ف تانيه و كده اصل كل البنات ف مدرستنا دحاحين موت و بيقولوا ليا كل شويه اول ما ناخد الاجازه هنرجع البيت نذاكر مقرر تانيه !!!!
فعشان كده قلقانه
تالته اعدادى كان عندنا مستر ابن حلال كل شويه يقول لنا انتوا هتسقطوا لازم تدحوا عشان يوب تدخلوا ثانوى عام و ساعت ما انا جبت مجموع 146 الترم الاول قال اكيد غشيتى لان الباقى جايب اقل منك ---------بالعربى يعنى قصدى ان الخوف هو اللى خلانى اجد لانى كنت خايفه ما ادخلش ثانوى عام
يا ترى الخوف هيخلينى برضه ادخل كليه الطب او الهندسه
مش عارفه

نفس المشكله على فكره التفكير فى تانيه طول الوقت لدرجه اننا نسيت انى لسه فى اولى بس عادى يعنى.. صعب اوى اول ما ناخد الاجازه نذاكر مقرر تانيه و الله انا متأكد ان فى نص سنه تانيه حيزهقوا بالنسبه لى انا حذاكر فى الاجازه بس كده من بدايه شهر سبعه حراجع على النحو و الرياضه و كله ان شاء الله و لو ربنا قدرنى ححضر الدرس قبل ما اخد الحصه و اعتقد يعنى ان ده كفايه اوى و يخلى الواحد مطمن شويه و داخل بقلب جامد متهيئلى لو بدأتى فى شهر سبعه برضو حيبقى كويس اوى اما بقى حكايه الخوف ده طبيعي ديه غريزه فى الانسان بس المهم انه ميزدش اوى و ميوصلش لمرحله اليأس و فعلا الخوف بيخلى الواحد يشتغل اكتر ديه مش حاجه وحشه