الموضوع طلع كبير

[حياتى وقف لله]

السلام عليكن ورحمة الله وبركاته


طبعا كله واحده داخله دلوقتى تقول موضوع اييية دا اللى طلع كبير؟؟؟

هتعرفوا بس فى الآخر... اللى عندها صبر بقى تكمل
بس لازم تكملوا لانه بجد طلع كبيير وخطيييير


دا حوار بين اتنين انتيم
ازيك ياقمر ؟؟
الحمد لله .. تمام ..ازيك أنتِ ؟
الحمد لله كويسة
وجلست الآولى تبحلق فى الثانية
وتفكر .. وتفكر.. سرحت فى وشها يعنى

ايييييية يابنتى مالك؟؟

ها..؟ لا عادى يعنى...

ايه هو اللى عادى

شكلك كدا عاوزة تقولى حاجه..صح؟؟!!

امممم .. الصراحه الموضوع طلع كييير وخطييير

موضوع اية دا؟؟



هقولك بس ممكن أسألك كام سؤال الأول كدا؟
أها.. اسألى كلى ودان مفتحه


أنتِ بتحبى ربنا ؟؟؟؟؟؟؟

ايييييه الأسئلة المستفزة ... أكيييد طبعا بحبه ودا سؤال بردو
أنا مسلمة يعنى والحمد لله

طيب الحمد لله
نفسك تدخلى الجنة ؟؟؟؟؟


ييية .... اية يابنتى الأسئلة الساذجة دى
الله !!

ياحببتى بس جاوبى ورايحينى... خدينى على أد عقلى

أكيد طبعا أومال يعنى عاوزة ادخل النار...!!!!!!

طيب تمام اووووى

أنتِ عارفه بندخل الجنة الجنة ازاى؟؟؟؟

بالإيمان والعمل الصالح طبعا

لا... طبعا

ياسلاااااام .. ازاى الكلام دا

أنا اقولك ازاى

سمعتى حديث النبى عليه الصلاة والسلام :
"لَنْ يَدْخُلَ أَحَدٌ الجَنَّةَ بِعَمَلِهِ قَالُوا: وَلاَ أَنْتَ يَارَسُولَ اللهِ ؟ قَالَ: وَلاَ أَنَا إِلاَّ أَنْ يَتَغَمَّدِنِيَ اللهُ بِرَحْمَتِهِ"

وعلى فكره الحديث دا صحيح

يعنى اييييييه
طيب ربنا قال فى القرآن -

وَتِلْكَ الْجَنَّةُ الَّتِي أُورِثْتُمُوهَا بِمَا كُنْتُمْ تَعْمَلُونَ-
يعنى بالعمل اهوووووو

لا ياحببتى ... العمل دا جعله الله سبب لدخول الجنة .. ليبتلى الناس أيهم أحسن عملا
لكن مافيش حد هيدخل الجنة إلا برحمة ربنا ... يعنى لو ربنا حاسبنا بأعمالنا اصلا مش هندخل الجنة
لان مهما عمالنا فى حياتنا كلها مش هنوفى شكر نعمة واحده من نعم ربنا علينا


يعنى مثلا شوفى نفسك داخل خارج لا ارادى وأنتِ عارفه الميكانزمات اللى بتحصل علشان النفس دا يطلع
لو ربنا وكل إليك بس النفس هتعملى ايييية؟؟

طيب الهرمونات مثلا .. لو زادت شوية تلخبط الجسم كله ولو نقصت شوية تلخبط الجسم بردو
لو ربنا وكل اليكِ تنظيم الهرمونات هتعملى ايية ؟؟

وغيره وغيره بس احنا غافلين عن الشكر
القصد يعنى ان مهما عملنا مش هنوفى شكر نعمة واحدة من نعم ربنا علينا


ولو شكرنا شكرنا دا محتاج شكر لله أنه وفقنا لشكره..
يعنى حتى شكرك لله فيه تقصير..!!! وفضل ورحمة من ربنا..!!

يبقى لو وزانا أعمالنا كلهاااااااااا مهما كانت من كتير مش هتدخلنا الجنة إلا برحمة ربنا


عندك حق فعلا .. الواحد غافل عن شكر الله
وكمان هقولك حاجة .. أصلا كونك تعملى صالحات دا توفيق من ربنا.. ومن فيض رحمته بيكِ

يعنى احنا مش بنخطى خطوة فى الدنيا وى فى الآخره الا برحمة ربنا


صححح

بس ما قولتيش بقى ... فين الموضوع اللى طلع كبير دا؟؟؟؟؟؟؟؟؟

ماانا هقولك اهو


ياترى موضوع اية دا..!!!!!!