انتى فين يا حكومة

[Mo7amed zizo]

المشاركة الأصلية كتبت بواسطة هويدااحمد76

انا مواطنة مصرية بحب مصر جدا ونفسى بلدى تتغير للاحسن
ولكنى زعلانة من الحكومة
1- والله العظيم مش لاقيين انابيب بوتاجاز الانبوبة عندنا وصلت 50 و60 جنيه ومش لاقيينها قولولى نعمل ايه
هيه دى مش بلدنا ومن حقنا عليها توفير الخدمات الاساسية ومش هقول الترفيهية
ما كنتش ان الانابيب شيئ مهم فى حياتنا نبدأ الصبح ما فيش طعمية لان ما فيش انابيب وما فيش عيش وما فيش..............لنفس السبب
2- والله المية عندنا قاطعة من امبارح ومش لاقيين مية
3- السولار ما فيش سولار والمواصلات غليت ومش لاقيين نروح شغلنا
انتى فين يا حكومة يا ترى انا ببالغ والا المشكلة دى عند الكل ارجوكم افيدونا وكيف نوصل صوتنا للمسؤلين

انا معاكى فى كل حاجه انتى قلتيها
بس الحكومه هتشوف ايه ولا ايه؟
مصر بعد الثورة الاقتصاد بتاعها بايظ خااالص وكل ما الحكومه تحاول تصلح البلد يجى مشكله تبوظ كل حاجه ... مره احداث اطفيع ومره انبابه ومره ميدان التحرير ومره ماسبيرو ... والله حاجه موءسفه جداا .
وكل مشكله وليها حل
شكرا على الموضوع