الجزء2:لعموم الفائدة اكتب موقف او تجربة مريت به؟

[ostazmath4m]

المشاركة الأصلية كتبت بواسطة zozza love

فين باقى المواقف
عايزه اضحك
مستر محمد
معندكش موقف حلوه كده يضحك
انا مضايقه وعايزه اضحك
حد يدخل يقول موقف يضحكنى بقا

المواقف المضحكه موجوده ماتقلقيش
بس قبل ما اقول موقف مضحك افتكرته عايزك تشوفي
الموقف ده انا كتبته قبل كده بس حاسس انك ماخاتيش بالك منه
اصعب موقف حصل معايا مع انه من ايام الابتدائيه الا انه
محفوووووور في ذهني

المشاركة الأصلية كتبت بواسطة ostazmath4m

شوفوا بقي الموقف ده
كنت في اخر المرحله الابتدائيه علي ما اتذكر وقتها
وكنت عند بيت جدي وكان عند جيرانهم فرح وزيطه
تقريبا شبكه وكانوا عاملين هيصه بقي عند بيتهم
(بيت الجيران يعني) فانا حبيت اتفرج بس مارضتش اروح
عندهم قلت اتفرج من قدام بيت جدي المهم
انتوا عارفين بقي الولاد الصغيرين اي حاجه ع الارض
بتلفت نظرهم فانا لفت نظري حاجه زي الخرطوم كده
جمب السور بتاع جدي (كان فيه رمل طيني بطول السور
مرصوص جمبه بسيط يعني )
فالمهم انا قلت اخد الخرطوم ده والعب بيه او ابقي
استخدمه لو حد دايقني المهم الدنيا كانت ضلمه الي
حد ما لان الفرح كان بعد العشاء ووطيت عشان امسك
الخرطوم اول مالمست الخرطوم عينكم ماتشوف الا النور
لقيت الخرطوم اتحرك واستخبي في الرمل اللي جمب السور
طلع(( ثعبــــــــــــــــــــــــــــــــــــان))
بصراحه كنت في موقف لا احسد عليه وقلبي وقف اشد
من وقفه العجله في الموقف السابق يعني التعبان كان
ممكن يبهدلني لولا من ستر ربنا ما اردش انه يلدغني
وفضل انه يتواري في التراب بجد بحمد ربنا ا نه عدي الموقف
ده علي خير ومن يومها بقيت احرم امسك حاجه مش شايفها
كويـــــــــــــــــــس