اقتباس:
المشاركة الأصلية كتبت بواسطة josephmorris
على فكره انت فى 1 و 2 مجبتش سيره عن الحجم بس انا هحل على اساس ان الحجم متساوى
1- فى حالة الذهب بس .. كثافتة كبيره ... هيزيح حجم من الماء بيساوى حجمه .... ولكن وزنه حجم الماء المزاح اقل
فى حالة الذهب والنحاس .. الكثافة قلت ( ولكن اكبر من كثافة الماء ) ... يبقى هيزيح حجم من الماء بيساوى حجمه ولكن وزن حجم الماء المزاح اقل
الماء المزاح فى الحالتين له نفس الحجم وبالتالى نفس الوزن
على فكره ممكن تبقى نسبه النحاس فى السبيكه( فى الحالة التانيه ) كبيره وتبقى كثافة السبيكه اقل من كثافة الماء فتطفو ... ويبقى حجم الماء المزاح اقل وبالتالى وزنه اقل من المره الاولى
2 - قعطة الخشب هتزيح حجم من الماء اقل من حجمها ولكن وزنه بيساوى وزنها
اذا وزن الكأس لا يتغير
قطعة الحديد هتزيح حجم من الماء بيساوى حجمها ولكن وزنه اقل من وزنها
اذا وزن الكأس هيزيد
3 - مش فاهم انت عاوز ايه
المسائل سهله واتحلت قبل كده
علل
1 - فى البدايه قوة دفع الهواء اكبر من وزن البالونه فتكون المحصله لأعلى
و كلما صعدت البلونه قوة الدفع عليها بتقل لأن كثافة الهواء بتقل
اذا قوة الدفع هتفضل تقل تقل لغايه ما تبقى بتساوى الوزن وحينئذ تظل ثابته
الجسم اللى كثافته اكبر من السائل يغوص لأن وزنه اكبر من قوة دفع السائل عليه فتكون المحصله أتجاهها لأسفل فيغوص
2 - اختلاف الكتلة واختلاف طاقة الحركه واختلاف كمية التحرك
رايي هو مش عاوز غير اختلاف الكتلة وبس ودة تعويض في المعادله بتاعة 3 على 2 ..........
3 - ماذا يحدث
نتخيل ان ده كأس ازاحه
وزن الماء المزاح بيساوى قوة الدفع بيساوى وزن الجسم الطافى
وبما ان الجسم الطافى ثابت . اذا تظل قيمة قوة الدفع ثابته .. اذا يظل وزن الماء المزاح ثابتا .. أى يظل حجم الماء المزاح ثابتا مهما تغير وضع الجسم
اذا لايحدث تغير فى ارتفاع الماء
المسائل الاخيره
اول واحده هنقول الكثافة النسبيه ( 1000 ) هتساوى الكتلة الكليه على الحجم الكلى
الكتلة الكليه = كتلة الفلين ( معانا ) + كتلة السلك
الحجم الكلى = حجم الفلين ( نجيبه عادى ) + حجم لسلك
كل حاجه معانا فى المعادله ماعدا كتلة السلك وحجمه
هنعوض عن الكتلة بالكثافة ( موجوده) × الحجم
يبقى المجهول بس الحجم نجيبه
ونقسمه على مساحة المقطع نجيب الطول
تانى واحده محلوله قبل كده بس كانت مع الالمونيوم وحاجه تانيه كده
تالت واحده
بص اول حاجه هقول 98 + وزن الجليد = قوة دفع الماء لقطعة الجليد
المعادله الطويله العريضه دى المجهول منها بس حجم قطعة الجليد ( لأن قوة الدفع على الحجم الكلى )
هجيبه ... وبعدين هقول
وزن قطعة الجليد بيساوى قوة دفع الماء عليها ( من غير الثقل اللى فات ده )
ومن المعادله اجيب الحجم المغمور .. واطرحه من الحجم الكلى هجيب الحجم الطافى
المسأله بتاعة المتفوقين جدا
لما يكون عمودى على اتجاه الفيض
النقطه ممكن تبقى على يمين السلك وممكن تبقى على يساره
النقطه اللى على يمينه جمع المجالين واللى على يساره طرح المجالين
لما يكون موازى هتبقى المحصله سواء على الجنب ده او الجنب ده
جذر (الفيض الاول تربيع + الفيض الثانى تربيع )
|
أشكرك ع الحل جدا
اقتباس:
المشاركة الأصلية كتبت بواسطة فرسان الإسلام
الأسئلة صعبة جدا بالنسبة ليا ...!!! ومفهمتش الحل المحطوط برده ...!!!
لا إله إلا أنت سبحانك إنى كنت من الظالمين .... يارب سهلها معانا
|
بصي ياقمر استهدي بالله كدة
الأمور ان شاء الله مش صعبة أوي ولا حاجة
بس اول انك تبصي ع أسئله ع الجهاز بتبقى اقل تركيزا من انك تبصي في كتاب
بصي انتي مثلا انقلي اي سؤال مضايقك في ورقه وفكري فيه ولو ماعرفتيش قولي للمستر بتاعك هتلاقي الامور بسيطة جدا باذن الله
وعادي كلنا لازم بيبقى عندنا حاجات صعبه وحاجات سهلة
بالتوفيق ياقمر
اقتباس:
المشاركة الأصلية كتبت بواسطة كمال قرنى
جداااااااااااا
بصراحة مسأئل هايفة
مكنش المفروض يقول مسائل جامدة خالص
|
معلش تعليق بسيط
من كان يؤمن بالله واليوم الآخر فليقل خيرا أو ليصمت
لو حضرتك ماشاء الله ربنا اداك قدرات
فميش قدرات في الدنيا تعادل مراعاة شعور الآخرين
ونصيحى (اعتبرها من أخت ليك) مهما بلغت قدراتك فوق في السما لازم تعرف ان العلم أكبر منك بكتير
والعلم دة بحر ممكن الانسان يغرق فيه بالذات بغروره
وعلى فكرة انا ضد استهياف اي سؤال حتى لو ضرب 1×1
وآسفه ع اللهجة بس لو حضرتك قرأت كل الردود هتعرف ليه أنا كتبت كدة
وشكرا لواضع الأسئله
أسئله جميله جدا
28-05-2011, 09:47 PM
العرض الشجري
