من تدخل فيما لا يعينه سمع ما لا يرضيه!!

[Sofia El-behairy]

طبعا شئ عظيم ان علاقه بين ناس تكون قوية و يكون فى اهتمام متبادل

و جميل ان صديقك او صديقتك او قريبك او جارك انه يسأل عليك من باب الاطمئنان و ليس الفضول

لكن اكيد لازم نراعى ان اسئلتنا ديه مش تكون محضر تحقيق مثلا او تكون اسئله لكن ليست متعمقه و تكون بحدود

لان الاسئله ربما تكون محرجه بالنسبه للى بتسأله او يكون الى بتسأله مثلا مش عايز يجاوب عشان ديه حاجه تخصه و كمان اجابته على سؤال مش حتفيدك بحاجه

و النتيجة لده طبعا ان الانسان ده هيهرب منك و يتحاشى انه يشوفك من خوف منك لكن لتجنب تدخلك و تعمقق فى شئونه الخاصه

انا من وجهه نظرى ان تدخل فى شئون الناس يفرق بين الاهل و الجيران و الاصدقاء اكثر من ان يجمعهم و الله و بدون مبالغه انا اعرف واحده ساب بيته و هاجر لامريكا بسبب تتدخل الجيران فى حياته فى كل صغيره و كبيره يعنى حتى لو جيران نيتهم سليمه برده كل حاجه بحدود

و سؤال هنا : لماذا لا يكون المجتمع اكثر تحضرا و رقى و يترك تلك العاده المزعجة ؟؟

اخى العزيز \ اختى العزيزه اذا كنت تتصف بهذه العاده برغم حسن نيتك

فتذكر قول رسول صلى الله عليه و سلم ( من حسن الاسلام المرء تركه ما لا يعينه )

يعنى حتى الرسول صلى الله عليه و سلم قال كده

من تتدخل فيما لا يعينه سمع ما لا يرضيه !!

انا من وجهه نظرى اننا مش لازم نسأل الانسان عن حاجه معينه بتعمق فى سؤال لكن فى حدود عشان لو هو عايز يقولها حيقولها من غير ما اسبب له ازعاج و لو مش عايز مش حيقولها و منغير ما احرج نفسي و برده هو حيتزعج منى

عالطول ماما بتقول اننا ليا فم واحد و اذنين ..لنسمع اكتر من نتكلم

سؤال : هذا النوع من البشر الى بيدخل فى شئون حياتنا بشكل بشع و الاجابه مش حتفيده بحاجه المفروض نرد عليه و نقوله ايه ؟؟

عشان انا بجد زهقت من الموضوع ده و العاده المزعجه ديه

و عايزه اعرف ليه ده بيحصل و ازاى نرد على ناس دول بادب عشان مش نحرجهم و كمان مش نزعج نفسنا

فى نهاية لا يكمل الموضوع الا بتشرفكم و تعليقكم حول الظاهره ديه