من تدخل فيما لا يعينه سمع ما لا يرضيه!!

[Sofia El-behairy]

المشاركة الأصلية كتبت بواسطة هانى الشرقاوى

دى عينة من الأسئلة الحشرية اللى بنسمعها فى الشارع دايما :


1/ هو انت متجوزتش ليه لحد دلوقتى؟

2 / هو انت ليه سايب شعرك كده ؟ ده كبير أوى !

3/ هو انتى ليه بتحطى ميكاج

4/هو انتى مش محجبه ليه؟ ( لو البنت مش محجبة )

5/هو انت ليه لابس كدة؟

6/هو انتى ليه متلبسيش اسدال؟ (لو البنت محجبة )

7/هو انت ليه متحاولش تبص كدة فى القرأن وتقارن بين الدين الاسلامى والمسيحى (الاسئلة فى الموضوع دة كتيرة اوى اوى واشكالها مختلفة)

8/الست دى ماشية كدة ليه؟

9/هو الراجل دة لابس كدة ليه؟

10/ايه دة ايه حد فى الدنيا يلبس احمر على ازرق؟ دة طبعا واحد بينم على واحد ميعرفوش

اصلا .

11/هو ليه مش بيشترى هدوم كتير ويغير فى لبسه؟

12/دى اكيد بنت قليلة الادب طالما ماشية مع اولاد؟ (وطبعا ممكن تكون ياعينى ماشية مع اخوها ولا خطيبها ولا جوزها )

13/هو انتوا ليه اتطلقتوا؟

14/ ولما تيجى تتكلم فى الموبيل تلاقي واحد متعرفوش اصلا بيقللك كنت بتكلم مين؟

15/ هى ليه بتتكلم فى التليفون وهى ماشية فى الشارع ؟.. يا عم دى بتتمنظر علينا، آل يعنى محدش غيرها معاه موبايل. (على اساس انه متأكد انها بتتكلم عشان تغيظه مثلا)

16/انت ليه بتحب النوع دة من المزيكا ؟ (سؤال غبي طبعا)

17/انت ليه مدايق اوى كدة ؟ (ولو قال مثلا مفيش حاجة مدايقانى او قال معلش دى حاجة

خاصة اللى قدامه يزعل ويتخنق ويقول دة بيتكبر عليا مع إن تبقي ممكن علاقتهم مكملتش اسبوع)



18/انتى ليه تخينة اوى كدة ؟ ( متخسي)

او انت ليه رفيع اوى كدة ؟ (انتى لازم تتخن شوية مع ان اللى بيقول كدة دة ممكن يكون مفيش علاقة بتربطه باللى قدامه ابدا )


19/هو انتى او انت مرتبط ؟؟ (بردو ممكن حد حشري يسألك السؤال دة وهو ملوش علاقة بيك
ولا حاجة خالص)

20/انت على فكر رأيك متخلف جدا؟

(هنا طبعا مفيش اى احترام للاراء ودى جملة بس مختصرة فى اشكال كتيره من الكلام اللى مفهوش احترام للاراء)

21/انت ليه مقولتش السلام عليكم؟ ليه قلت مساء الخير؟

هههههه ايه كميه الاسئله الرخمه ديه انا بكرهها كلها بالاخص رايك مختلف جدا ليه ؟
ليه مش بتقولى سلام عليكم بدل صباح الخير على اساس ان صباح خير حرام مثلا
اسئله رخمه جدا جدا جدا