انا توصل بيا ... و توصل بيك .. اجى امشى .. متسملش عليا!

[usernamo]

بسم الله الرحمن الرحيم

ازاى ... يا صاحبى ابقى واكل معاك عيش و ملح و تبيعنى بفلوس ..

ازاى يا صاحبى اهون عليك .. ازاى يا صاحبى ابقى فى شدة و متساعدنيش .. ازاى ..

ازاى يا صاحبى ابقى بأمنلك و تخونى فى ضهرى .. اديك عمرى .. اديك حياتى .. افديك بدمى ..

و تقولى معرفكش ..

تبيعنى عشان واحده ؟؟ .. هتفيدك بأيه ؟؟ .. دانا كنت ماشى معاك على الحلوة و المرة ؟؟

تبيعنى و تاخد قلبى منى يا صاحبى ؟؟..

اقولك على حاجة يا صاحبى ... انا مش ندمان يا صاحبى ..

اذا كان اديتك اللقمة من قدامى ليك .. اديتك عمرى اديتك كل حاجة ..

هستخسر فيك قلبى .. لا يا صاحبى .. خده .. و انا مسمحك فيه ..

ليه يا صاحبى و ازاى ؟؟ .. ابقى قدامك و انا حبيبك .. و من ورايا انا غريمك ...

فاكر يا صاحبى لما رحنا الرحلة سوا .. و انت مكنش معاك اكل .. اديتك اكلى ..

هتضحك .. و هتستهزء .. هتقولى انت طفل .. لا يا صاحبى .. دى مش طفولة .

دى يا صاحبى حب .. ووفاء و صدق و امانة .. يمكن بالنسبة ليك هيافة ..

يمكن لما اتخانقت و اضربتلك .. تكون هيافة.. يمكن لما اديتك و انت معكش تكون هيافة ..

يمكن يمكن يمكن .. بس يا صاحبى مش هتلاقى زيى .. مش هتلاقى حد يعزك

حد يحبك .. حد يأمنك .. حد يساعدك .. حد يحكيلك .. حد تحكيله

حد يقولك .. حد ينصحك.. حد يصون عرضك .. حد يكون ..

(( صاحبك ))

زى ما انا كنت ... روح يا صاحبى .. الله يسامحك ..

و انتى ياللى بعتينى عشانه .. مش هكلم عليكى كتير ..

انتى اخرك عندك كلمتين .. (( اللى تخون واحد ... تخون الف ))

واحد اخد قلبى ... و التانية اخدت وقتى ..

بس الحياة مش هتقف عليكم ..

اخر حاجة هقولها :

معلش ... مسيركم تعرفوا قيمتى ..

(( الصحوبية و الحب وجهان لعملة واحدة .. إذا لعبت بيهم ملك و كتابة .. و قلت ملك و طلعت كتابة .. للاسف يا باشا .. سكتك سكة ندامة !!))

تحياتى ... لمن دمر حياتى

(( الموضوع من وحى الخيال .. و لا ينطبق ع الواقع )) .

UserNamo
ThanWya