خايفين من ايه ده بجد اللى لازم تاخفوا منه !!

[Asa7be Wawa]

خايف من التيار الإسلامي؟ لو آه تبقى غلطان.. خايف من التيار الليبرالي؟ لو آه تبقى غلطان.. خايف من التيار الإشتراكي؟ لو آه تبقى غلطان.. خايف من التيار القلقاسي؟ لو آه تبقى غلطان.. أومال أقلق من إيه؟ لازم تنتبه للتيار "الفلولي" لأنه الخبث كله والفساد كله وإنعدام الدين كله.. دول اللي من شوية كانوا مع الثورة, ودلوقتي بيقسمونا, وبعدين هايقلبوا ع الثورة ويطلع المخلوع ملاك وبعدها تيار تيار هايغتالوه زى ما كان قدوتهم بيعملدعوه الى تهدئه النفوس كلنا سواء ليبرالى اسلامى اشتراكى اتجمعنا فى ميدان التحرير و حطينا هدفنا قدام عنينا و علشان كده اتحقق ان يد الله مع الجماعه كلنا بنحب البلد ديه و خايفيين عليها مهما اختلفنا لازم دلوقتى يبقا عنينا على مصر و على اننا ازاى نتقدم بيها و نخليها احسن بلد فى الدنيا و كل واحد و مليته و انتمائاته ... لو حد شايف غير كده يبقى بجد مبيفكرش غير فى مصلحته او تبع التيار الفلولى ....
طيب انا نفسي في حاجة، مش عارف قابلة للتنفيذ ولا خيالية، إيه المشكلة لو شباب من اللامنتمي لأيدولوجيا معينة يتقابل مع شباب سلفي وشباب إخواني وشباب ليبرالي وشباب علماني وشباب اشتراكي وشباب اى حاجة مش مهم, بس فيها ايه لو نتقابل تعالوا كلنا نقعد سوا ونشوف بعض بدل ما كله من ورا الشاشة عمال يبني آراء بجد كتير منها غلط! والتجربة خير دليل وكانت في الميدان.. ماحدش كان بيعض ولا بيخون ولا بيكفر حد هي دي الديموقراطية الرائ والرائ الاخر....والوصول الي الحلول